فيديو: تحديد التساوي بين المجموعات

باستخدام = أو ≠ أكمل: {٢، ٨، ٦} _ {٢٨، ٦}.

٠١:٢٠

‏نسخة الفيديو النصية

باستخدام يساوي أو لا يساوي أكمل. المجموعة: اتنين، وتمنية، وستة؛ فرق المجموعة: تمنية وعشرين، وستة.

العلامة اللي شبه علامة الطرح دي هي نفسها فعلًا بتعمل عملية الطرح بس في المجموعات، وبنسمّيها فرق. لأننا بنشوف العناصر اللي موجودة في المجموعة الأولى، ومش موجودة في المجموعة التانية. وهي دي فكرة الطرح؛ يعني بنستبعد عناصر المجموعة التانية من المجموعة الأولى، ونشوف الفرق اللي باقي في المجموعة الأولى.

يبقى دلوقتي هنشوف إيه العنصر اللي موجود في المجموعة الأولى، ومش موجود في المجموعة التانية. عندنا العنصر اتنين موجود في الأولى، يا ترى موجود في التانية ولّا لأ؟ لأ مش موجود. يبقى ده هيبقى أول عنصر موجود في المجموعة اللي بتمثّل الفرق بين المجموعتين.

نشوف بعد كده العنصر اللي عليه الدور في المجموعة الأولى، اللي هو تمنية، موجود في المجموعة التانية ولّا لأ؟ لأ مش موجود. يبقى هو ده تاني عنصر هيبقى عندنا في المجموعة اللي بتمثّل الفرق.

تالت عنصر عندنا في المجموعة الأولى، اللي هو ستة، هنلاقيه موجود في المجموعة التانية. يبقى مش هنقدر نحطّه في المجموعة اللي بتمثّل الفرق بين المجموعتين.

كده الفرق بين المجموعتين هيبقى بيساوي المجموعة: اتنين، وتمنية. لأن هم دول العنصرين اللي موجودين في المجموعة الأولى فقط، ومش موجودين في المجموعة التانية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.