فيديو: المقارنة بين عدد أضلاع الأشكال الثنائية الأبعاد

هذا الشكل له ٦ أضلاع. اختر شكلًا آخَر له ٦ أضلاع. [أ] شكل أ [ب] شكل ب [ج] شكل ﺟ

٠٢:٢٥

‏نسخة الفيديو النصية

هذا الشكل له ست أضلاع. اختر شكلًا آخرًا له ست أضلاع.

السؤال بيقول لنا إن الشكل اللي قدامنا ده له ست أضلاع. وعاوزين نختار شكل من التلات أشكال اللي قدامنا دول، يكون برضو له ست أضلاع زي الشكل اللي عندنا في السؤال.

طيب لو جينا نبص على الشكل اللي عندنا في السؤال ونعدّ أضلاعه؛ واحد، اتنين، تلاتة، أربعة، خمسة، ستة. دول همّ الست أضلاع بتوع الشكل اللي عندنا. هنشوف بقى اختيار اختيار. كل اختيار من الاختيارات اللي عندنا عدد أضلُعها كام ضلع، واللي نلاقيه ستة يبقى هو الإجابة الصح.

فنبدأ بأول شكل، ونعدّ عدد أضلاعه؛ واحد، اتنين، تلاتة، أربعة. يبقى أول شكل عدد أضلاعه أربعة مش ستة. يبقى مش هو الإجابة الصح.

نشوف الشكل اللي بعده؛ واحد، اتنين، تلاتة، أربعة، خمسة. يبقى الشكل التاني عندنا عدد أضلاعه خمس أضلاع مش ستة؛ فبرضو مش هو الإجابة الصح. يبقى كده إحنا استبعدنا الاختيار أ والاختيار ب.

نشوف بقى الاختيار ﺟ. ونبدأ نعدّ عدد أضلاع الشكل؛ واحد، اتنين، تلاتة، أربعة، خمسة، ستة. طلع عدد الأضلاع بيساوي إيه؟ ستة. يبقى هو ده الشكل الصح اللي عدد أضلاعه بتساوي ست أضلاع، زي الشكل اللي عندنا فوق.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.