تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: كتابة المقادير الجبرية

أحمد لطفي

اكتب مقدارًا يعبر عن قسمة مقدار ضعف مربع ﺱ على مقدار آخر بقيمة أقل بـ ٩ من مكعب ﺹ.

٠٢:٢٨

‏نسخة الفيديو النصية

اكتب مقدارًا يعبر عن قسمة مقدار ضعف مربع س على مقدار آخر بقيمة أقل بتسعة من مكعب ص.

أول خطوة عشان نقدر نكتب المقدار، عندنا المقدار بيعبر عن قسمة، يعني هنرسم علامة القسمة، وهيكون عندنا بسط ومقام، فأول حاجة مذكورة بعد كلمة القسمة هيكون هو المقدار اللي مكتوب في البسط، فهنلاحظ إنه مكتوب ضعف مربع س. كلمة ضعف بتعبر عن إننا هنضرب المقدار في اتنين، يعني هيكون عندنا اتنين «في». وكلمة مربع معناها إننا هنربع المقدار، يعني هنخليه أس اتنين. وبالتالي لو عايزين نكتب المقدار اللي في البسط، هيكون عندنا متغير س هنكتب عليه التربيع عشان نعبر عن مربع س، وبعدين هنضربه في اتنين عشان نعبر عن ضعف مربع س، يبقي كده المقدار اللي في البسط اتنين س تربيع.

وبعدين هنجد كلمة «على»، يعني الكلام اللي بعد كلمة «على» هيكون هو المقدار اللي هنكتبه في المقام، والمقدار اللي في المقام هيكون بقيمة أقل بتسعة من مكعب ص. عندنا كلمة أقل بتسعة بتمثل إن عندنا مقدار هنطرح منه تسعة، يعني «أقل» هتعبر عن الطرح. وكلمة مكعب معناها إن عندنا مقدار هيكون أس تلاتة.

وبالتالي لو عايزين نكتب المقدار اللي هيكون في المقام، أول حاجة هنكتب المتغير ص، وهنعبر عن مكعب ص إننا هنكتب ص أس تلاتة. وبما إن قيمة المقدار أقل بتسعة من مكعب ص، يعني هنطرح تسعة من مكعب ص، يعني هيكون عندنا ص أس تلاتة ناقص تسعة؛ وبالتالي المقدار هيساوي اتنين س تربيع مقسوم على ص أس تلاتة ناقص تسعة.