فيديو: القيمة المكانية لمئات الآلاف

سوزان فائق

يوضح الفيديو القيمة المكانية لمئات الآلاف، وكيفية كتابتها بالطريقة القياسية والطريقة اللفظية وطريقة القيم المكانية للأعداد.

٠٥:٢١

‏نسخة الفيديو النصية

في الفيديو ده هنتكلم عن القيمة المكانية لمئات الآلاف. عندنا عدد مكوّن من مئات الآلاف. العدد بيتكوّن من أرقام. الأرقام دي بتبقى من الصفر، لغاية التسعة. وبنحطّ كل رقم جوّه الخانة بتاعته؛ بنسكّنه جوّه الخانة بتاعته. ودي بتبقى اسمها القيمة المكانية بتاعته. وبنحطّها في جدول زيّ ده. بنقسّم لمجموعتين؛ عشان إحنا عندنا مئات الآلاف، يعني آخر حاجة عندنا هي الألوف.

المجموعة الأولانية بتتكوّن من الوحدات. وأول خانة فيها بنقسّمها لتلات خانات. أول خانة بنبقى نسميها الآحاد بتاعة الوحدات. وتاني واحدة العشرات. وتالت واحدة مئات الوحدات. وبعد كده بنبدأ تاني نحطّ آحاد للألوف، وعشرات للألوف، ومئات للألوف. بكده آخِر خانة عندنا هنا، اللي هي مئات الألوف، أو الآلاف.

عندنا عدد، زيّ ده. هنقراه إزاي؟ عندنا التمنية دي في مئات الألوف، هنقول عليها تمنمية ألف. الخمسة دي في عشرات الألوف، يعني خمسين ألف. التلاتة جت معاها، يبقى تلاتة وخمسين ألف. يبقى التلاتة مع بعض دول، هنقول عليهم: تمنمية تلاتة وخمسين ألف. وبعد كده بنبدأ الوحدات، بناخدها باسمها زيّ ما هي، اللي هي ستمية أربعة وعشرين. يبقى العدد ده اسمه: ٨٥٣٦٢٤.

عندنا تلات طرق لكتابة الأعداد. أول طريقة فيهم، اللي إحنا عارفينها، اللي هي دي. اللي هي عدد بكتب الأرقام بتاعته بالشكل ده. الطريقة التانية، اللي هي اللفظية. اللفظية إن أنا أقول الكلمات بتاعتي. يعني هقول إن دي تمنية. هتبقى تمنمية تلاتة وخمسين ألف. تمنمائة تلاتة وخمسين ألف وستمائة أربعة وعشرون، بالشكل ده.

الطريقة التالتة بتبقى عن طريق إن أنا أكتب قيمة كل رقم في الخانة بتاعته. يعني الأربعة دي بتمثّل أربعة في الآحاد، بنكتبها أربعة. الاتنين دي هتبقى في العشرات، اللي هي بنكتبها زائد … عشرات الوحدات هتبقى عشرين. زائد … الستة دي بتمثّل المائة في الوحدات، هنكتبها ستمية. زائد … التلاتة بتمثّل آحاد الألوف، يعني تلات آلاف.

زائد … الخمسة بتمثّل عشرة آلاف، يعني هنكتبها خمسة وبعدين أربع أصفار. اللي هي خمسين ألف. زائد مئات الألوف، اللي هي تمنمية، جاية من تمنية. صفرين وبعدين تلات أصفار. اللي هم بتوع خانة الوحدات. كل ده بيساويه العدد اللي عندي. اللي هو تمنمية تلاتة وخمسين ألف ستمية أربعة وعشرين. والطريقة التالتة دي، بنسمّيها الطريقة اللفظية [طريقة المفكوك].

هنقلب الصفحة، وناخد مثال. بيقول لنا: اكتب القيمة المكانية للرقم اللي تحته خط. عندي مثلًا: ٣٢٠٨٦، ده عدد. وعندي: ٧٨٣٨٧. وعندي عدد … عايز القيمة المكانية للتمنية هنا. وعايز القيمة المكانية للتلاتة هنا. وعايز القيمة المكانية للصفر هنا.

هنعمل إيه؟ هنسكّن الأرقام دي، موجودة في الـ … زيّ الجدول اللي عاملاها قبل كده. ونعرف كل رقم في دول، موجود في خانة إيه. في أول عدد، اللي هو ٣٢٠٨٦،. الـ ٨ جاية في تاني خانة. وتاني خانة عندنا هنا بنسميها عشرات الوحدات. يبقى معنى كده إن الـ ٨ دي خانتها إيه؟ العشرات. يبقى القيمة بتاعتها المكانية هي العشرات.

تاني عدد عندنا عايزين نعرف القيمة المكانية للـ ٣، في العدد: ٧٨٣٨٧. الـ ٣ دي جاية في تالت خانة. تالت خانة دي اسمها مئات الوحدات. يعني هنا القيمة المكانية بتاعتها، هي المئات. ناخد العدد اللي بعده، هنلاقيه ١٠٩٤٧٨. الصفر موجود فين؟ هنعدّ واحد، اتنين، تلاتة، أربعة، خمسة. جاي في خامس خانة. يبقى هنا هو عشرات الألوف؛ عشرات الألوف.

يبقى اتكلمنا في الفيديو ده عن إيه الطرق اللي بننطق بيها الأعداد. عندنا تلات طرق. الصيغة العادية خالص اللي هي كتابة الأرقام. تاني واحدة، اللي هي اللفظية؛ بإن أنا أكتبه بالكلمات. تالت واحدة إن أنا أحلّله للتفاصيل بتاعته، بالقيم المكانية.

القيم المكانية بنعرفها إزاي؟ بنحطّ على الجدول بتاع المنازل بتاعتنا. هنقسّم مجموعتين. المجموعة الأولى بسمّيها الوحدات، وبنقسّمها لتلات أقسام: آحاد، عشرات، مئات. وكل واحدة فيهم بتمثّل القيمة المكانية، للرقم اللي هيتحطّ فيها.

يعني لو وقفنا في تالت خانة، هنسميها مئات الوحدات. لو وقفنا في الخانات بتاعة الألوف، ووقفنا عند العشرات. هتبقى اسمها عشرات الألوف، يعني عشرة آلاف. والمئات في الألوف، هتبقى مئات الألوف. وده اللي اتكلمنا عليه في الفيديو.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.