تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تحديد نظام المتباينات الذي يصف حالة معطاة

أحمد لطفي

يريد نجار شراء نوعين من المسامير ويريد دفع أقل من ٥٥ جنيهًا ثمنا للشراء، ويحتاج هذا النجار الى ٥ كيلوجرامات على الاقل من النوع الاول، و٧ كيلوجرامات على الأقل من النوع الثاني. اذا علمت ان ثمن الكيلوجرام الواحد من النوعين الأول والثانى هو ٦، ٩ جنيهات على الترتيب. فاكتب نظاما من المتباينات يصف هذه الحالة؛ بحيث تمثل س النوع الاول و تمثل ص النوع الثانى.

٠٢:٤٩

‏نسخة الفيديو النصية

يريد نجار شراء نوعين من المسامير، ويريد دفع أقل من خمسة وخمسين جنيها ثمنًا للشراء، ويحتاج هذا النجار إلى خمس كيلوجرامات على الأقل من النوع الأول، وسبع كيلوجرامات على الأقل من النوع التاني، إذا علمت أن ثمن الكيلوجرام الواحد من النوعين الأول والثاني هو ستة وتسع جنيهات على الترتيب، فاكتب نظامًا من المتباينات يصف هذه الحالة؛ بحيث تمثل س النوع الأول وتمثل ص النوع التاني.

في البداية معطى إن س بتمثل النوع الأول، ومعطى أيضًا إن ص بتمثّل النوع التاني. هنلاحظ إن بيحتاج النجار إلى خمس كيلوجرامات على الأقل من النوع الأول؛ يعني النجار محتاج من النوع الأول خمس كيلوجرامات أو أكثر، وبالتالي هنمثلها إن س اللي هو بيمثل النوع الأول هيكون أكبر من أو يساوي خمسة، ويبقى أول متباينة هي س أكبر من أو بتساوي خمسة.

وهنلاحظ إن النجار بيريد شراء سبع كيلوجرامات على الأقل من النوع التاني؛ يعني النجار محتاج يشتري سبع كيلوجرامات أو أكثر من النوع التاني، وبما إن ص بتمثل النوع التاني يبقى نقدر نقول إن ص أكبر من أو بتساوي سبعة، ويبقى تاني متباينة هي ص أكبر من أو بتساوي سبعة.

ومعطى إن تكلفة النوع الأول بتبلغ ست جنيهات لكل كيلوجرام، وبما إن س بتمثل النوع الأول؛ يبقى لو عايزين نوجد إجمالي المبلغ اللي هينفقه النجار على النوع الأول، هيكون عبارة عن ستة س.

وهنلاحظ أيضًا إن سعر النوع التاني بيبلغ تسع جنيهات لكل كيلوجرام، وبما إن ص بتمثل النوع التاني يبقى إجمالي الجنيهات اللي هينفقها النجار على النوع التاني هتكون عبارة عن تسعة ص.

وهنلاحظ إن النجار بيريد دفع أقل من خمسة وخمسين جنيها ثمنًا للشراء، وبما إن تمن شراء النوع الأول هو عبارة عن ستة س، وتمن شراء النوع التاني هو عبارة عن تسعة ص؛ يبقى هنلاحظ المبلغ اللي هيدفعه النجار لشراء النوع الأول اللي هو ستة س، زائد المبلغ اللي هيدفعه النجار لشراء النوع التاني اللي هو تسعة ص، لازم يكون أقل من خمسة وخمسين؛ عشان النجار بيريد دفع أقل من خمسة وخمسين جنيهًا، ويبقى تالت متباينة هي ستة س زائد تسعة ص أصغر من خمسة وخمسين.

ويبقى نظام المتباينات اللي بيمثل الحالة دي هو س أكبر من أو بيساوي خمسة، و ص أكبر من أو بيساوي سبعة، وستة س زائد تسعة ص أصغر من خمسة وخمسين.