فيديو: حساب المصفوفات

بالنظر إلى المصفوفة الآتية: أ = (٨، −٣ و١، −٢)، ما قيمة ٢أ؟

٠١:٢٩

‏نسخة الفيديو النصية

بالنظر إلى المصفوفة الآتية، ما قيمة اثنان أ؟

بالنظر للمصفوفة، فعندنا المصفوفة أ عناصرها هم: تمنية سالب تلاتة، واحد سالب اتنين. قيمة اتنين أ، يعني حاصل ضرب اتنين في المصفوفة أ. ولمّا بنضرب عدد في مصفوفة، بيكون حاصل الضرب هو المصفوفة نفسها، مع ضرب كل عناصرها في العدد.

يبقى اتنين أ هيساوي … نفتح قوس المصفوفة. نضرب اتنين في العنصر الأول في الصف الأول، اللي هو تمنية. بعدين نضرب اتنين في العنصر التاني في الصف الأول، يعني اتنين في سالب تلاتة. بعد كده نضرب اتنين في العنصر الأول في الصف التاني. بعد كده نضرب اتنين في العنصر التاني في الصف التاني.

ده هيساوي … أول حاجة اتنين في تمنية هيساوي ستاشر. واتنين في سالب تلاتة هيساوي سالب ستة. واتنين في واحد هيساوي اتنين. واتنين في سالب اتنين هيساوي سالب أربعة. وبكده نبقى أوجدنا اتنين أ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.