تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد مساحة سطح منشور

سوزان فائق

احسب مساحة سطح المنشور الموضح.

٠٢:٣١

‏نسخة الفيديو النصية

احسب مساحة سطح المنشور الموضح.

مساحة سطح المنشور بتبقى هي مساحة سطح الأوجُه الجانبية، وكمان القاعدتين. في الرسم اللي قدامنا ده، السطح ده عبارة عن مستطيل. وده عبارة عن مستطيل. وكمان اللي في الجنب ده مستطيل. والقاعدة مستطيل. وفيه الوجه الجانبي ده والوجه الجانبي اللي من بره ده شبه منحرف.

يبقى مساحة سطح المنشور اللي قدامنا ده هتبقى … المستطيل اللي فوق ده طوله ستة، وعرضه ستة؛ يعني ده مربع. يبقى ستة في ستة هو مساحة المربع. زائد … القاعدة اللي هي المستطيل اللي تحت ده، طوله تسعة، وعرضه ستة؛ يبقى تسعة في ستة. زائد شبه المنحرف ده مرتين؛ يعني مساحة شبه المنحرف اللي هو اتنين في نص مجموع القاعدتين؛ القاعدة تسعة وستة، يبقى التسعة زائد ستة، مضروبة في الارتفاع أربعة.

باقي المستطيل ده والمستطيل ده. المستطيل الأولاني عرضه أربعة وطوله ستة. يبقى زائد أربعة في ستة. زائد … المستطيل التاني ستة في خمسة. هنجمّع؛ يبقى ستة وتلاتين، زائد أربعة وخمسين، زائد … الاتنين هتختصر مع الاتنين، وتسعة زائد ستة خمستاشر، في أربعة يبقى ستين، زائد أربعة وعشرين، زائد تلاتين. بعدد الأوجُه؛ واحد، اتنين، تلاتة، أربعة، خمسة، وما ننساش إن إحنا عندنا اتنين شبه منحرف يعني ستة. ودة ستة أوجُه للمنشور. يبقى هيساوي ميتين وأربعة، وهي دي مساحة سطح المنشور الموضح.