تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: استخدام الخطوط المستقيمة لتمثيل العلاقات بين متغيرين كميين

أحمد مدحت

يوضح شكل الانتشار التالي أطوال وأوزان ٢٤ طالبًا في أحد الفصول. استخدم شكل الانتشار لتحديد أي مما يلي قد يمثل أفضل تقدير لوزن شخص طوله ١٥٠ سم. [أ] ٤٠ كجم [ب] ٣٦ كجم [ج] ٥٣ كجم [د] ١٠٠ كجم [ﻫ] ٣٠ كجم

٠١:٣٦

‏نسخة الفيديو النصية

عندنا في المثال شكل انتشار بيوضح أطوال وأوزان أربعة وعشرين طالب في أحد الفصول. وعايزين نستخدم شكل الانتشار اللي عندنا، علشان نحدد أيّ مما يلي قد يمثل أفضل تقدير لوزن شخص طوله مية وخمسين سنتيمتر. وعندنا خمس اختيارات. الاختيار أ: هو أربعين كيلوجرام. والاختيار ب: ستة وتلاتين كيلوجرام. والاختيار ج: تلاتة وخمسين كيلوجرام. والاختيار د: مية كيلوجرام. والاختيار ﻫ: تلاتين كيلوجرام.

علشان نحدد أفضل تقدير لوزن شخص طوله مية وخمسين سنتيمتر، هنرجع لشكل الانتشار اللي عندنا. فهنلاحظ من خلال طريقة انتشار النقط، إن النقط واخدة شكل خط مستقيم، لكن ما فيش خط مستقيم يقدر يمرّ بيهم كلهم. معنى كده إن البيانات ذات نزعة خطية، فهنستخدم الخط الأفضل مطابقة علشان نحدّد أفضل تقدير لوزن شخص طوله مية وخمسين سنتيمتر.

فهنرسم الخط الأفضل مطابقة، زي ما هيظهر لنا. بعد كده، بما إن إحنا عايزين نحدّد أفضل تقدير لوزن شخص طوله مية وخمسين سنتيمتر، فهنقف عند المحور الأفقي اللي بيمثل الطول عند مية وخمسين، ونرسم خط رأسي متقطع بيقطع الخط الأفضل مطابقة، زي ما هيظهر لنا.

بعد كده من نقطة التقاطع، هنرسم خط أفقي متقطع بيقطع المحور الرأسي اللي بيمثل الوزن، زي ما هيظهر لنا. هنلاحظ إن الخط المتقطع الأفقي قطع المحور الرأسي في النقطة دي، اللي عندها الوزن بيساوي تلاتة وخمسين كيلوجرام. معنى كده إن هيبقى أفضل تقدير لوزن شخص طوله مية وخمسين سنتيمتر، هو تلاتة وخمسين كيلوجرام؛ يعني الإجابة هتبقى هي الاختيار ج.