فيديو: إيجاد مخرجات آلة الطرح التي تختبر الأعداد حتى ٢٠

هذه آلة لطرح الأعداد. تطرح الآلة ٧ من الأعداد الموجودة على اليمين. ما الأعداد الناقصة؟ [أ] ٥، ١٣ [ب] ٤، ١٥ [ج] ٤، ١٢ [د] ٦، ١١

٠٢:٥٦

‏نسخة الفيديو النصية

هذه آلة لطرح الأعداد. تطرح الآلة سبعة من الأعداد الموجودة على اليمين. ما الأعداد الناقصة؟

دي آلة اسمها آلة طرح الأعداد. الأعداد اللي بتبقى موجودة هنا على اليمين، بتدخل هنا في الآلة، ننقّص منها سبعة، ناقص سبعة يعني بنطرح منها سبعة، وتخرج النتيجة على اليسار أو على الشمال؛ فعاوزين نعرف إيه العدد اللي المفروض يكون في المربع ده، وإيه العدد اللي المفروض يكون في المربع ده.

هنيجي لأول عدد موجود على اليمين، هنلاقيه الحداشر، هنعمل إيه في الحداشر؟ هنطرح منه سبعة. حداشر ناقص سبعة تساوي إيه؟ هنعدّ بعد السبعة لحدّ ما نوصل للحداشر؛ بعد السبعة تمنية، بعد التمنية: تسعة، عشرة، حداشر، وصلنا للحداشر. طلّعنا كام صابع على إيدينا؟ واحد، اتنين، تلاتة، أربعة؛ معنى كده إن حداشر ناقص سبعة تساوي أربعة. كده عرفنا إيه اللي المفروض يتكتب في المربع ده، أربعة.

نيجي للمربع اللي بعده، تسعتاشر ناقص سبعة هتساوي كام؟ فنكتب: تسعتاشر ناقص سبعة، نكتبهم المرة دي بشكل رأسي، تساوي … نطرح تسعة ناقص سبعة، وبعدين نبقى ننزل الواحد، تمام، تسعة ناقص سبعة كام؟ آدي التسع صوابع، طلّعناهم على إيدينا، هنشيل منهم سبعة، تعالوا كده نعدّ سبعة نشيلهم: واحد، اتنين، تلاتة، أربعة، خمسة، ستة، سبعة؛ اتبقى لنا كام صابع مفروض، أو كام صابع ما شطبناش عليه؟ صابعين؛ معنى كده إن تسعة ناقص سبعة، اتنين، والواحد ينزل زي ما قلنا. يبقى كده تسعتاشر ناقص سبعة تساوي اتناشر. وبكده نكون كمّلنا المربع التاني كمان، وحطينا فيه اتناشر.

طيب أنهي بقى اختيار هو اللي صح؟ أنهي اختيار اللي المربع الأصفر فيه، فيه أربعة؛ والمربع الأخضر فيه، فيه اتناشر؟ ده خمسة وتلتاشر مش هو، وده أربعة وخمستاشر مش هو، ده أربعة واتناشر هو ده الاختيار الصح اللي إحنا حلّيناه: أربعة واتناشر. وطبعًا برضو ستة وحداشر غلط؛ يبقى كده عرفنا إيه هو الاختيار الصح بتاعنا؟ أربعة واتناشر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.