تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: مطابقة قاعدة دالة كسرية مع تمثيلها البياني

سوزان فائق

أيُّ التمثيلات البيانية الآتية يُمثِّل د(ﺱ) = ١/(ﺱ + ١)؟ [أ] شكل أ [ب] شكل ب [ج] شكل ﺟ [د] شكل د

٠٢:٠٦

‏نسخة الفيديو النصية

أي التمثيلات البيانية الآتية يمثّل د س يساوي واحد على، س زائد الواحد؟

الدالة اللي قدامنا دي فيها خط تقارُب، اللي هو قيمة للـ س تقرّب لها، لكن ما تساويهاش. ودي بنعرفها بإن إحنا نشوف المقام، اللي هو س زائد واحد، عايزينه لا يساوي صفر. فبالتالي لمّا الـ س هتساوي سالب واحد هيساوي الصفر، فده بيبقى خط تقارب للدالة. يبقى فيه خط تقارُب رأسي عند الـ س تساوي سالب واحد.

في الاختيار رقم أ، خط التقارب عند الـ س تساوي صفر، يبقى الرسم ده مش صحيح. عند الـ ب، خط التقارب عند الـ س تساوي واحد، يبقى كمان الرسم ده مش صحيح. الرسم رقم ﺟ أو الرسم رقم د، الاتنين عندهم خط التقارب الرأسي سالب واحد. علشان نعرف فين في الرسمين صح، هنشوف نقطة على الخط، اللي هي هنا مثلًا دي، الـ س بتساوي سالب اتنين، فالـ ص هتساوي الواحد.

لمّا هنعوّض في الدالة د س بقيمة الـ س تساوي سالب اتنين، يبقى هيساوي واحد على، سالب اتنين زائد الواحد، هتبقى بسالب واحد. يبقى المفروض الـ ص تساوي سالب واحد، لكن هنا الـ ص بتساوي واحد، يبقى كمان ده مش صحيح.

هنشوف التمثيل البياني اللي باقي. عند هنا الـ س بتساوي صفر، كانت الـ ص بتساوي واحد. يبقى لمّا هنعوّض بـ س بتساوي صفر، يبقى د الصفر هتساوي واحد على، صفر زائد الواحد، هتساوي الواحد. وفعلًا الـ ص بتساوي واحد. يبقى التمثيل البياني الصحيح هو رقم ﺟ.