نسخة الفيديو النصية
أوجد مساحة قاعدة متوازي مستطيلات حجمه خمستاشر ألف وسبعمية وتمنية سنتيمتر مكعب، وارتفاعه سبعتاشر سنتيمتر.
يعني معطى عندنا حجم متوازي المستطيلات، ومعطى عندنا ارتفاعه. والمطلوب إننا نوجد مساحة قاعدته. وخلّينا في الأول نفتكر إن حجم متوازي المستطيلات بيساوي حاصل ضرب مساحة قاعدته في ارتفاعه.
وبما إن معطى عندنا الحجم، والارتفاع، والمطلوب إننا نوجد مساحة القاعدة. فبالتالي لو قسمنا الطرفين على الارتفاع. ففي الحالة دي هنقدر في الطرف الأيسر للمعادلة نختصر الارتفاع مع الارتفاع، فهيبقى عندنا مساحة القاعدة. وممكن نكتبها عَ الطرف الأيمن بالشكل ده.
وأمّا في الحالة دي هيبقى الطرف الأيسر هو حجم متوازي المستطيلات مقسوم على الارتفاع. بعد كده هنعوّض عن حجم متوازي المستطيلات بخمستاشر ألف وسبعمية وتمنية، وهنعوّض عن الارتفاع بسبعتاشر.
فبالتالي هيبقى عندنا مساحة قاعدة متوازي المستطيلات بتساوي خمستاشر ألف وسبعمية وتمنية مقسومة على سبعتاشر. فلمّا نحسبها هتبقى بتساوي تسعمية أربعة وعشرين. وبما إننا بنوجد مساحة فهتبقى الوحدة هي سنتيمتر مربع.
وبالتالي هتبقى إجابة السؤال هي: تسعمية أربعة وعشرين سنتيمتر مربع. وهتبقى هي دي مساحة قاعدة متوازي المستطيلات.