فيديو: الصورة التحليلية للأعداد

أيٌّ من التعبيرات الرياضية الآتية يساوي ١٨٠٩٠؟ [أ] ١٠٠٠٠ + ٨٠٠٠ + ٩٠٠ [ب] ١٨٠ + ٩٠ [ج] ١٠٠٠ + ٨٠٠ + ٩٠ [د] ١٠٠٠٠ + ٨٠٠٠ + ٩٠ [ﻫ] ١٨ + ٩٠

٠١:٤٦

‏نسخة الفيديو النصية

أيٌّ من التعبيرات الرياضية الآتية يساوي تمنتاشر ألف وتسعين؟ الاختيار الأول: عشرة آلاف زائد تمن تلاف زائد تسعمية. الاختيار التاني: مية وتمانين زائد تسعين. الاختيار التالت: ألف زائد تمنمية زائد تسعين. الاختيار الرابع: عشرة آلاف زائد تمن تلاف زائد تسعين. الاختيار الخامس: تمنتاشر زائد تسعين.

العدد اللي عندنا ده، اللي هو تمنتاشر ألف وتسعين، مكتوب كده بالصورة القياسية. عايزين نكتبه بالصورة التحليلية، ونشوف هيبقى بيساوي إيه.

تمنتاشر ألف وتسعين، لمّا نيجي نكتبها بالصورة التحليلية، هنقول هيساوي … الواحد في خانة العشرة آلاف. يعني قيمتها عبارة عن عشرة آلاف. آدي عشرة آلاف. زائد … التمنية موجودة في خانة الآلاف. يعني قيمتها تمن تلاف. يبقى زائد تمن تلاف. زائد … عندنا في خانة المئات فيه صفر. الصفر مش مهم نجمعه؛ عشان هو مش هيغير حاجة من قيمة العدد اللي عندنا.

بعد كده عندنا في خانة العشرات فيه تسعة. يعني قيمتها هتبقى تسعين. بعد كده هنلاقي عندنا صفر في خانة الآحاد. ولو جمعنا صفر على المجموع اللي عندنا ده، مش هيفرق أيّ حاجة.

فبالتالي أصبحت الصورة التحليلية للعدد اللي عندنا: عشرة آلاف زائد تمن تلاف زائد تسعين. طب لو قارنّا الصورة اللي حصلنا عليها دي، بالاختيارات الموجودة عندنا في السؤال، هنلاقيها مطابقة للاختيار الرابع. فالإجابة الصحيحة هتبقى: عشرة آلاف زائد تمن تلاف زائد تسعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.