فيديو: تحويل الأعداد العشرية إلى كسور

يمشي فارس مسافة ٠٫٧٢ ميل إلى الجيم. عبِّر عن هذه المسافة في صورة كسر في أبسط صورة.

٠١:٣٩

‏نسخة الفيديو النصية

يمشي فارس مسافة اتنين وسبعين من مية ميل، إلى الجيم. عبِّر عن هذه المسافة، في صورة كسر، في أبسط صورة.

أول حاجة نفكّر فيها، إزَّاي نخلّي اتنين وسبعين من مية، في صورة كسر. إحنا عارفين إن اتنين وسبعين من مية، هي هي اتنين وسبعين على مية. إحنا كده خلّيناها في صورة كسر. بس هو طالب منّنا في السؤال، إننا نخلّيها في أبسط صورة.

علشان نبسّط الكسر، فلازم نلاقي رقم يقبل القسمة على البسط وعلى المقام. الاتنين وسبعين تقبل القسمة على الاتنين. والمية تقبل القسمة على الاتنين. اتنين وسبعين على الاتنين، فيها الستة وتلاتين. والمية على الاتنين، فيها الخمسين. هل كده الكسر في أبسط صورة؟ لأ، إحنا ممكن نبسّطه تاني.

الستة وتلاتين تقبل القسمة على الاتنين. والخمسين تقبل القسمة على الاتنين. ستة وتلاتين على الاتنين، فيها التمنتاشر. والخمسين على الاتنين، فيها الخمسة وعشرين. هل نقدر نبسّط الكسر أكتر من كده؟ مش هنقدر؛ لأن التمنتاشر والخمسة وعشرين، ما فيش رقم يقبل القسمة عليهم هم الاتنين. وبالتالي تمنتاشر على خمسة وعشرين، هي أبسط صورة للكسر.

وبكده اتنين وسبعين من مية ميل، لو عبّرنا عنها في صورة كسر، وخلّيناه في أبسط صورة؛ هيدّي لنا تمنتاشر على خمسة وعشرين ميل.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.