فيديو: حساب المقادير العددية التي تتضمَّن جذورًا تربيعية وأسسًا سالبة

ما قيمة (جذر (١٠)/جذر (٦))^−٢؟

٠١:٥٨

‏نسخة الفيديو النصية

ما قيمة المقدار التالي؟

أول حاجة هنكتب المقدار مرة أخرى، يبقى الجذر التربيعي للعشرة على الجذر التربيعي للستة لكل أُس سالب اتنين. وبعد كده هنحوّل الأُس الجذري إلى أُس كسري لكلٍّ من البسط والمقام كالتالي؛ يبقى جذر عشرة هتبقى عبارة عن عشرة أُس واحد على الاتنين، وجذر ستة هتبقى عبارة عن ستة أُس واحد على الاتنين لكل أُس سالب اتنين.

وبما إن عشرة أُس نص، وستة أُس نص، بنلاحظ إن البسط والمقام ليهم نفس الأُس، يبقى ممكن نكتبهم في الصورة التالية: عشرة على ستة لكل أُس واحد على الاتنين أو لكل أُس نص يعني، لكل أُس سالب اتنين.

بعد كده هنضرب الأُسس، يبقى المقدار هيكون عبارة عن عشرة على الستة لكل أُس، واحد على الاتنين، في سالب اتنين. بنختصر سالب اتنين على الاتنين، بنلاقي إن الناتج عبارة عن سالب واحد؛ يبقى الناتج هيكون عبارة عن عشرة أُس ستة لكل أُس سالب واحد. وبما إن الأُس سالب، فهنلاقي إن الكسر هيتقلب؛ البسط يبقى مكان المقام، والعكس؛ يبقى ستة على عشرة لكل أُس واحد.

وبنلاقي إن فيه عامل مشترك أكبر بين البسط والمقام، وهو الاتنين. ستة على الاتنين، الناتج بتلاتة؛ عشرة على الاتنين، الناتج بخمسة؛ وبالتالي يبقى ناتج المقدار هيكون قيمته عبارة عن تلاتة على الخمسة؛ وبكده يبقى قدرنا نوجد قيمته.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.