فيديو: إيجاد أس ذات الحدين بمعلومية النسبة بين حدين متتاليين من مفكوكها

أوجد قيمة ﻥ، إذا كانت النسبة بين ح_٥، ح_٦ في المفكوك (ﺃ + ﺏ)^ﻥ تساوي النسبة بين ح_٦، ح_٧ في المفكوك (ﺃ + ﺏ)^(ﻥ + ٩).

٠٣:١٠

‏نسخة الفيديو النصية

أوجد قيمة ن. إذا كانت النسبة بين الحد الخامس والحد السادس في المفكوك: أ زائد ب الكل أُس ن. تساوي النسبة بين الحد السادس والحد السابع في المفكوك: أ زائد ب الكل أُس ن زائد تسعة.

القانون اللي قدامنا، أو العلاقة اللي قدامنا دي، بتوضح النسبة بين أيّ حدّين متتاليين، في مفكوك ذات الحدين. فالحدّ اللي رتبته أعلى، اللي هو ح ر زائد واحد، إلى الحد اللي رتبته أقل منه مباشرةً، اللي هو ح ر. هتساوي ن ناقص ر زائد واحد، على ر؛ في ب على أ. حيث ر هي رتبة الحدّ، وَ ن هو الأُس اللي مرفوع ليه المقدار اللي عندنا.

طب دلوقتي إحنا عايزين نوجد النسبة بين الحد الخامس والسادس، في مفكوك المقدار ده. عندنا ح ستة على ح خمسة. يعني النسبة بين الحد السادس والحد الخامس هتساوي ن ناقص … ر عندنا اللي هي خمسة، يعني ن ناقص خمسة زائد واحد، على خمسة؛ مضروب في ب على أ. اللي هي هتساوي ن ناقص أربعة، على خمسة؛ في ب على أ.

بعد كده عايزين نوجد النسبة بين الحد السادس والحد السابع في مفكوك المقدار ده. عشان بعد كده هنساوي النسبة بين الحدين؛ الخامس والسادس في المفكوك الأول، مع الحدين السادس والسابع في المفكوك التاني. دلوقتي بقى هنوجد النسبة بين الحد السابع والحد السادس في المفكوك التاني.

الـ ن في المفكوك التاني هي ن زائد تسعة. يعني الـ ن هنعوّض عنها بـ ن زائد تسعة، ناقص ر اللي هي ستة، زائد واحد، على ستة؛ في ب على أ. اللي هي هتبقى بتساوي، بعد ما نبسّطها، ن زائد أربعة، على ستة؛ في ب على أ. دلوقتي بقى عايزين نساوي النسبة بين الحدين السادس والخامس في الفكوك الأول، مع النسبة بين الحدين السابع والسادس في المفكوك التاني. فهيبقى عندنا ن ناقص أربعة، على خمسة؛ في ب على أ، هتساوي ن زائد أربعة، على ستة؛ في ب على أ.

بقسمة الطرفين على ب على أ، هيبقى عندنا ن ناقص أربعة، على خمسة هتساوي ن زائد أربعة، على ستة. وباستخدام الضرب التبادلي، فهيبقى خمسة في، ن زائد أربعة هتساوي ستة في، ن ناقص أربعة. بعد ما نوزّع عملية الضرب على ما بداخل الأقواس، فهيبقى عندنا خمسة ن زائد عشرين هتساوي برضو ستة ن ناقص … أربعة في ستة بأربعة وعشرين. هنطرح خمسة ن من الطرفين، ونجمع أربعة وعشرين على الطرفين. ومنها هنستنتج قيمة ن، اللي هي هتساوي أربعة وأربعين. وبكده قدرنا نوجد قيمة ن اللي مطلوبة منّنا في السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.