فيديو: المقارنة بين المجموعات باستخدام أكبر من وأصغر من ومِثل

أيُّ المجموعات بها نفس عدد الفواكه؟ [أ] الشكل أ [ب] الشكل ب [ج] الشكل ﺟ

٠١:٣٦

‏نسخة الفيديو النصية

أيّ المجموعات بها نفس عدد الفواكه؟

عندنا مجموعة فيها فراولة، ومجموعة فيها موز. وعاوزين نعرف أيّ اختيار من التلات اختيارات اللي قدامنا دول، فيه عدد الفراولة قدّ عدد الموز. فتعالوا نشوف اختيار اختيار.

ونبدأ بأول اختيار، ونعدّ عدد الفراولة. واحد، اتنين، تلاتة، أربعة، خمسة، ستة، سبعة، تمنية. عدد الفراولة تمنية. طب وعدد الموز؟ واحد، اتنين، تلاتة، أربعة، خمسة، ستة، سبعة، تمنية، تسعة، عشرة. عدد الموز عشرة. هل تمنية تساوي عشرة؟ لأ؛ يبقى معنى كده إن الاختيار ده مش صح. إحنا عاوزين اختيار يكون فيه عدد الفراولة، قدّ عدد الموز.

طيب تعالوا كده نشوف اللي بعده، ونعدّ الفراولة. واحد، اتنين، تلاتة، أربعة، خمسة، ستة، سبعة، تمنية. عدد الفراولة تمنية. طب وعدد الموز؟ واحد، اتنين، تلاتة، أربعة، خمسة، ستة. ستة. التمنية مش بتساوي الستة. يبقى برضو الاختيار ده غلط، نستبعده.

نشوف آخر صورة. واحد، اتنين، تلاتة، أربعة، خمسة، ستة، سبعة، تمنية، تسعة، عشرة. عدد الفراولة عشرة. طب وعدد الموز؟ واحد، اتنين، تلاتة، أربعة، خمسة، ستة، سبعة، تمنية، تسعة، عشرة. عدد الموز برضو عشرة. آه، هنا بقى ظهر لنا إن عشرة تساوي عشرة. يبقى هو ده اللي الاختيار اللي فيه عدد الفراولة بيساوي عدد الموز. المجموعتين ليهم نفس عدد الفواكه.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.