فيديو: طرق طرح ٩ من الأعداد

أماني يوسف

فكِّر في طرح ٩ من أعداد مختلفة. على سبيل المثال، توضِّح الصورتان التاليتان أن العدد ١٠ مطروحًا منه ٩ يساوي ١، والعدد ١١ مطروحًا منه ٩ يساوي ١ + ١. انظر إلى هذه الجمل العددية التالية. أيُّ جملة منها خطأ؟ [أ] ١٧ − ٩ = ١ + ٧ [ب] ١٥ − ٩ = ١ + ٥ [ج] ١٩ − ٩ = ١ + ١٠

٠٢:٣٧

‏نسخة الفيديو النصية

فكّر في طرح تسعة من أعداد مختلفة. على سبيل المثال، توضح الصورتان التاليتان العدد عشرة مطروحًا منه تسعة يساوي واحد، والعدد حداشر مطروحًا منه تسعة يساوي واحد زائد واحد. انظر إلى هذه الجمل العددية التالية، أيّ جملة منها خطأ؟ سبعتاشر ناقص تسعة يساوي واحد زائد سبعة. خمستاشر ناقص تسعة يساوي واحد زائد خمسة. تسعتاشر ناقص تسعة تساوي واحد زائد عشرة.

السؤال عاوزنا نفكّر في طُرق طرح التسعة من أعداد مختلفة. يعني إيه؟ جايب لنا صورتين بتوضح لنا طرق طرح التسعة. أول صورة، اللي هي قدامنا دي، جاب العشرة، وشال منها تسعة؛ فاتبقّى واحد. طيب والصورة التانية، عمل إيه؟ ساب كل حاجة زي ما هي، بس غيّر العشرة خلّاها حداشر. فجاب الحداشر وشال منها تسعة، فاتبقى له واحد زائد واحد.

طيب لو برضو هنسيب كل حاجة زي ما هي، ونغيّر الحداشر بس نخلّيها اتناشر؟ يبقى اتناشر ناقص تسعة هتساوي إيه؟ هتساوي واحد زائد اتنين. الواحد ده بيفضل ثابت، والواحد ده بيتغير وبيزيد. طيب لو جينا مثلًا نقول تلتاشر ناقص تسعة؟ هتساوي واحد زائد تلاتة. طيب أربعتاشر ناقص تسعة؟ واحد زائد أربعة. خمستاشر ناقص تسعة؟ واحد زائد خمسة. وهكذا … يبقى إحنا كده فهمنا طريقة طرح التسعة من أعداد مختلفة.

تعالوا بقى نبصّ عَ الاختيارات، ونشوف مين فيهم الاختيار الغلط. لو جينا نشوف أول اختيار هيقول لنا إيه. سبعتاشر ناقص تسعة، واحد زائد سبعة. تمام، سبعتاشر، سبعة. طيب اللي بعده؟ خمستاشر ناقص تسعة، واحد زائد خمسة. خمستاشر وخمسة، مظبوط برضو.

طيب اللي بعده؟ تسعتاشر ناقص تسعة، واحد زائد عشرة. آه هنا المفروض تسعتاشر، فالمفروض هنا مكان العشرة يكون فيه إيه؟ تسعة. ولكن هم عملوها عشرة. فده معناه إن هي دي الجملة الغلط. ويبقى الاختيار اللي إحنا المفروض نختاره هو: تسعتاشر ناقص تسعة يساوي واحد زائد عشرة؛ لأن هي دي الجملة الغلط.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.