فيديو: تبسيط المقادير الكسرية

بسِّط ((ﺱ − ٢)^٢)/((ﺱ − ٢)(ﺱ + ٢)) بالكامل.

٠١:٢٧

‏نسخة الفيديو النصية

بسّط: س ناقص اتنين الكل تربيع؛ والكل مقسوم على س ناقص اتنين، والكل مضروب في س زائد اتنين؛ بالكامل. المقدار المعطى في السؤال بيتكوّن من قوس من الدرجة الأولى، مرفوع لأُس اتنين في البسط. وفي المقام عندنا قوسين من الدرجة الأولى مضروبين في بعض. وعايزين نبسّط المقدار ده لأبسط صورة.

أولًا بالنسبة للبسط، ممكن نفكّ القوس المتربع ده لقوسين مضروبين في بعض. فالبسط هيبقى س ناقص اتنين الكل مضروب في س ناقص اتنين. أمّا المقام فهيفضل زي ما هو: س ناقص اتنين الكل مضروب في س زائد اتنين.

طيب لو بصينا على البسط والمقام، هنلاقي إن القوس س ناقص اتنين موجود في البسط، وكمان موجود في المقام. فنقدر نختصرهم مع بعض. ويبقى إذن المقدار هيساوي س ناقص اتنين الكل مقسوم على س زائد اتنين.

دلوقتي المقدار بيتكوّن من قوس واحد من الدرجة الأولى في البسط، و قوس واحد من الدرجة الأولى في المقام. والقوسين مختلفين عن بعض، فما نقدرش نختصرهم أكتر من كده. ويبقى إذن هي دي أبسط صورة للمقدار المعطى في السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.