فيديو: تحديد الخطوط المستقيمة المتعامدة

أي الخطوط المستقيمة التالية يكون عموديًّا على الخط المستقيم ١٩س − ٣ص = ٥؟ [أ] ٣س − ١٩ص = ٥ [ب] ٣ص = ١ − ١٩س [ج] ٣ص = ١٩س + ٤ [د] ٣ + ١٩ص = ٢س [ﻫ] ٢ − ١٩ص = ٣س

٠٥:٢٨

‏نسخة الفيديو النصية

أي الخطوط المستقيمة التالية يكون عموديًّا على الخط المستقيم تسعتاشر س ناقص تلاتة ص يساوي خمسة؟ تلاتة س ناقص تسعتاشر ص يساوي خمسة. ولّا تلاتة ص يساوي واحد ناقص تسعتاشر س. ولّا تلاتة ص يساوي تسعتاشر س زائد أربعة. ولّا تلاتة زائد تسعتاشر ص يساوي اتنين س. ولّا اتنين ناقص تسعتاشر ص يساوي تلاتة س.

إمتى يكون الخطوط المستقيمة عمودية على بعض؟ لمّا يكون الميل يساوي واحد على ميل التاني بإشارة سالبة. هنوجد الميل للخط ده، ونشوف مين في الخطوط اللي في الاختيارات دي ميله يساوي سالب واحد من الميل ده.

هنحط المعادلة الخاصة بالخطوط المستقيمة على الصورة العامة ص يساوي م س زائد ب؛ حيث الـ م هو الميل، والـ ب هو الجزء المقطوع من محور الـ صات. الخط المستقيم المُعطى تسعتاشر س ناقص تلاتة ص يساوي خمسة. هنطرح تسعتاشر س من طرفَي المعادلة، وبعد كده نقسم على سالب تلاتة؛ علشان نخلّي الـ ص في طرف لوحدها، والـ س والحد المطلق في الطرف الآخر.

يبقى سالب تلاتة ص هتساوي خمسة ناقص تسعتاشر س. وبالقسمة على سالب تلاتة، هيبقى الـ ص هتساوي … نعيد ترتيب السالب تسعتاشر س قبل الخمسة. يبقى سالب تسعتاشر على سالب تلاتة س، زائد خمسة على سالب تلاتة. يبقى الـ ص هتساوي تسعتاشر على تلاتة س ناقص خمسة على تلاتة.

من المعادلة دي التسعتاشر على التلاتة هتمثّل ميل الخط المستقيم ده؛ فهنعتبره هو م اتنين. يبقى العمودي على الخط ده اللي هو هيبقى ميله م واحد، يساوي سالب واحد على التسعتاشر على التلاتة. هيساوي … هنا التلاتة في المقام في المقام، مقام المقام تبقى بسط. يبقى سالب تلاتة على تسعتاشر. يبقى إحنا هنبحث على الميل سالب تلاتة على تسعتاشر من الاختيارات المُعطاة.

الاختيار الأول تلاتة س ناقص تسعتاشر ص يساوي خمسة. هنطرح تلاتة س من طرفَي المعادلة. يبقى تلاتة س ناقص تلاتة س بصفر. يبقى ناقص تسعتاشر ص، هتساوي خمسة ناقص تلاتة س. وبعدين هنقسم على سالب تسعتاشر، ونعيد ترتيب المعادلة. يبقى الـ ص هتساوي سالب تلاتة على سالب تسعتاشر س، زائد خمسة على سالب تسعتاشر. يبقى الميل هنا سالب تلاتة على سالب تسعتاشر. يعني هيساوي تلاتة على تسعتاشر. وده لا يساوي م واحد؛ لأنه كده مش هيبقى عمودي على الخط المستقيم المُعطى. يبقى الإجابة دي خاطئة.

المعادلة التانية تلاتة ص يساوي واحد ناقص تسعتاشر س. هنقسم على تلاتة طرفَي المعادلة. يبقى الـ ص هتساوي سالب تسعتاشر على تلاتة س، زائد واحد على تلاتة. كمان دي لا تساوي م واحد. يعني الميل ده هيساوي سالب تسعتاشر على تلاتة؛ يبقى كمان الإجابة دي خطأ.

بنفس الطريقة المعادلة رقم ج هيبقى ميلها تسعتاشر على التلاتة. يعني الميل ده هيساوي تسعتاشر على التلاتة. ده كمان لا يساوي م واحد. يبقى الإجابة دي كمان خطأ.

كمان هنا تلاتة زائد تسعتاشر ص تساوي اتنين س. هنطرح تلاتة من طرفَي المعادلة، ونقسم على تسعتاشر. يبقى الـ ص هتساوي اتنين على تسعتاشر س ناقص تلاتة على تسعتاشر. يبقى الميل هنا اتنين على تسعتاشر. يبقى الميل هيساوي اتنين على تسعتاشر. دي كمان إجابة خاطئة.

الاختيار الأخير اتنين ناقص تسعتاشر ص يساوي تلاتة س. هنطرح اتنين من طرفَي المعادلة، ونقسم على سالب تسعتاشر. يبقى ص هتساوي تلاتة على سالب تسعتاشر س ناقص اتنين على سالب تسعتاشر. يبقى الميل هنا تلاتة على سالب تسعتاشر. يعني سالب تلاتة على تسعتاشر. وده فعلًا بيساوي م واحد. يبقى معنى كده إن المعادلة دي هي المعادلة الصحيحة، واللي بتمثّل العمودي على الخط المستقيم المُعطى تسعتاشر س ناقص تلاتة ص يساوي خمسة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.