فيديو: إيجاد أصفار الدالة بالتحليل

باستخدام التحليل، أوجد أصفار الدالة د(ﺹ) = ﺹ^٢ + ٨ﺹ + ٧.

٠١:٣٢

‏نسخة الفيديو النصية

باستخدام التحليل، أوجد أصفار الدالة: د ص تساوي ص تربيع زائد تمنية ص زائد سبعة.

عشان أوجد أصفار الدالة باستخدام التحليل، هنقول إن ص تربيع زائد تمنية ص زائد سبعة، بيساوي صفر. بعد كده هندوّر على عددين، حاصل ضربهم بيساوي سبعة، ومجموعهم بيساوي تمنية. وبما إن حاصل ضربهم موجب، ومجموعهم موجب، فده معناه إن العددين موجبين. فالأعداد الموجبة اللي حاصل ضربها بيساوي سبعة، هي: واحد في سبعة. وبِجَمع العددين، هيبقى واحد زائد سبعة، بيساوي تمنية. يبقى العددين هم واحد وسبعة.

يبقى ص تربيع زائد تمنية ص زائد سبعة بتساوي صفر. بعد التحليل هتبقى ص زائد واحد، في ص زائد سبعة، بيساوي صفر. ده معناه إن إمّا ص زائد واحد بتساوي صفر، أو ص زائد سبعة بتساوي صفر. في الحالة الأولى، هنطرح واحد من الطرفين. فهتبقى ص بتساوي سالب واحد. وفي الحالة التانية، هنطرح سبعة من الطرفين. فهتبقى ص بتساوي سالب سبعة. تبقى أصفار الدالة هي: سالب واحد، وسالب سبعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.