فيديو: إيجاد قياس زاوية في متوازي أضلاع باستخدام خواص متوازي الأضلاع

إذا كان ﺃﺏﺟد متوازي أضلاع في الشكل التالي، فأوجد ق∠ﺃ.

٠١:٥٨

‏نسخة الفيديو النصية

إذا كان أ ب ﺟ د متوازي أضلاع في الشكل التالي، فأوجد قياس زاوية أ.

لو بصينا على الشكل اللي قدامنا، فالمطلوب إننا نوجد قياس زاوية أ. فيه عندنا شكل رباعي د و ب ﻫ، مجموع زواياه الداخلية تلتمية وستين درجة. وإحنا عارفين إن قياس زاوية ﻫ زي ما معطى بتسعين درجة، فهيبقى قياس زاوية د ﻫ ب هي كمان تسعين درجة؛ لأن الزاويتين مع بعض بيكونوّا خط مستقيم، ومجموعهم مية وتمانين؛ يبقى الشكل الرباعي د و ب ﻫ مجموع زواياه تلتمية وستين. وبمعلومية التلات زوايا اللي عندنا، نقدر نوجد الزاوية ب، فهنكتب؛ بما إن الشكل د و ب ﻫ شكل رباعي، يبقى إذن مجموع زواياه الداخلية تلتمية وستين درجة. كده نقدر نستنتج قياس زاوية ب، هيبقى تلتمية وستين، نطرح منهم مجموع الزوايا التلاتة اللي عندنا، خمسين زائد تسعين زائد تسعين، هتبقى بتساوي تلتمية وستين ناقص ميتين وتلاتين، بعد الطرح هيطلع الناتج مية وتلاتين. يبقى كده إحنا قدرنا نوجد قياس زاوية ب بمية وتلاتين درجة.

طب إحنا المطلوب مننا نوجد قياس زاوية أ. بما إن الشكل الرباعي أ ب ﺟ د ده متوازي أضلاع، فنقدر نستفيد من إننا جِبنا الزاوية ب في إيجاد الزاوية أ؛ لأن دول زاويتين داخليتين متكاملتين، يعني مجموع قياسهم مية وتمانين درجة، فنقدر كده نوجد قياس زاوية أ بإننا هنطرح مية وتمانين ناقص قياس زاوية ب اللي إحنا أوجدناه بمية وتلاتين درجة. بإجراء عملية الطرح هيطلع الناتج خمسين، يبقى كده قدرنا نوجد قياس زاوية أ اللي هو هيطلع خمسين درجة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.