فيديو: الجمع حتى ١٠ عن طريق عَدِّ العناصر

هنا ٤ أرانب. أضف ٢. ما الصورة التي توضِّح ذلك؟ [أ] صورة أ [ب] صورة ب [ج] صورة ﺟ

٠٢:١٨

‏نسخة الفيديو النصية

هنا أربع أرانب. أضف اتنين. ما الصورة التي توضح ذلك؟

السؤال بيقول لنا إن عندنا الأربع أرانب دول: واحد، اتنين، تلاتة، أربعة. وبيقول لنا نضيف اتنين. فعاوزين نعرف بعد ما نضيف أرنبين اتنين للصورة اللي قدامنا دي، الناتج هيكون إيه؟ الصورة دي، ولّا الصورة دي، ولّا الصورة دي؟

فهنبدأ نضيف أرنبين للصورة بتاعتنا. آدي أرنب وآدي التاني. بعد ما ضفنا الأرنبين ده بقى شكل الناتج النهائي. طب الصورة اللي قدامنا دي شبه أي صورة في الاختيارات؟ هل هي شبه الصورة دي؟ لأ طبعًا. طب هل هي شبه الصورة دي؟ برضو لأ؛ لأن هنا فيه تلات أرانب. طب هل هي شبه الصورة دي؟ أيوه؛ لأن ما فيش غير الأرنبين دول اللي ضفناهم على الأربع أرانب.

فده معناه إن الصورة الصح اللي المفروض نختارها هي الصورة دي. وتبقى دي أول إجابة في السؤال بتاعنا.

نيجي لتاني جزء في السؤال: ما ناتج أربعة زائد اتنين؟ ما العدد الإجمالي؟

اللي إحنا عملناه إن هو كان عندنا الأربع أرانب دول، ضفنا عليهم اتنين. اللي همّ الاتنين دول؛ فأصبح ده ناتج الجمع بتاعنا. طيب هو الناتج ده كام؟ تعالوا نعدّهم: واحد، اتنين، تلاتة، أربعة، خمسة، ستة. فده معناه إن ناتج الجمع أو العدد الإجمالي بتاعنا هو ست أرانب.

وبكده نكون جاوبنا على الجزء التاني من السؤال، واللي إجابته ستة. وكده نكون جاوبنا على السؤال كله بأجزائه. أول جزء إجابته هي الصورة دي. وتاني جزء إجابته ستة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.