فيديو: تحليل الفرق بين مكعبين

حلِّل ٥٤ﺱ^٣ − ١٦ﺹ^٣ تحليلًا كاملًا.

٠٢:٥٥

‏نسخة الفيديو النصية

حلل: أربعة وخمسين س تكعيب ناقص ستاشر ص تكعيب، تحليلًا كاملًا.

بالنظر للمقدار: أربعة وخمسين س تكعيب ناقص ستاشر ص تكعيب، هنلاقي إن الحدّين بيقبلوا القسمة على الاتنين. فممكن نقول إن المقدار بيساوي اتنين في، سبعة وعشرين س تكعيب ناقص تمنية ص تكعيب. بالنظر للحدّ سبعة وعشرين س تكعيب، نقدر نقول إنه بيساوي تلاتة تكعيب في س تكعيب. يعني بيساوي تلاتة س الكل تكعيب. وبنفس الطريقة، الحدّ تمنية ص تكعيب بيساوي اتنين تكعيب في ص تكعيب. يعني بيساوي اتنين ص الكل تكعيب. يعني ممكن نقول إن المقدار بيساوي اتنين في تلاتة س الكل تكعيب، ناقص اتنين ص الكل تكعيب.

الصورة: تلاتة س الكل تكعيب ناقص اتنين ص الكل تكعيب، بنسمّيها فرق بين مكعبين. في حالة الفرق بين مكعبين، بيكون أ تكعيب ناقص ب تكعيب بيساوي أ ناقص ب، مضروب في أ تربيع زائد أ ب زائد ب تربيع. في الحالة دي، أ هيساوي تلاتة س، وَ ب هيساوي اتنين ص. يبقى ممكن نقول إن المقدار: أربعة وخمسين س تكعيب ناقص ستاشر ص تكعيب بيساوي اتنين في … أ ناقص ب يعني تلاتة س ناقص اتنين ص. في تلاتة س الكل تربيع، زائد تلاتة س في اتنين ص، زائد اتنين ص الكل تربيع.

ده هيساوي اتنين في، تلاتة س ناقص اتنين ص. مضروبة في … تلاتة س الكل تربيع بتساوي تسعة س تربيع. زائد … تلاتة س في اتنين ص بتساوي ستة س ص. زائد … اتنين ص الكل تربيع بتساوي أربعة ص تربيع. يبقى أربعة وخمسين س تكعيب ناقص ستاشر ص تكعيب. بيساوي اتنين في، تلاتة س ناقص اتنين ص، في، تسعة س تربيع زائد ستة س ص زائد أربعة ص تربيع.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.