فيديو: خواص الزاويتين المتكاملتين

أيٌّ من العبارات التالية يعبِّر عن الزوايتين المتكاملتين بصورة صحيحة؟ [أ] الزاويتان المتكاملتان متساويتان في القياس. [ب] مجموع الزاويتين المتكاملتين يساوي ٩٠°‎. [ج] مجموع الزاويتين المتكاملة يساوي ١٨٠°‎. [د] مجموع الزاويتين المتكاملتين يساوي ٢٧٠°. [ﻫ] مجموع الزاويتين المتكاملتين يساوي ٣٦٠°.

٠٢:٢٠

‏نسخة الفيديو النصية

أيٌّ من العبارات التالية يعبّر عن الزاويتين المتكاملتين بصورة صحيحة؟

ومعطى عندنا الاختيارات، أ: الزاويتان المتكاملتان متساويتان في القياس. ب: مجموع الزاويتين المتكاملتين يساوي تسعين درجة. ج: مجموع الزاويتين المتكاملة يساوي مية وتمانين درجة. د: مجموع الزاويتين المتكاملتين يساوي ميتين وسبعين درجة. ﻫ: مجموع الزاويتين المتكاملتين يساوي تلتمية وستين درجة.

وخلّينا في الأول نفتكر، لو عندنا زاويتين بالشكل ده، فهنلاحظ إن الزاويتين دول بيكوّنوا زاوية مستقيمة، اللي هي الزاوية دي. والزاويتين اللي بيكوّنوا زاوية مستقيمة، بنسمّيهم الزاويتان المتكاملتان، اللي هم الزاوية دي والزاوية دي.

وبما إن الزاويتين بيكوّنوا زاوية مستقيمة، والزاوية المستقيمة هي الزاوية اللي قياسها مية وتمانين درجة؛ فمعنى كده إن مجموع قياسات الزاويتين المتكاملتين بيساوي مية وتمانين درجة، اللي هو الاختيار ج.

والمطلوب مننا في السؤال إننا نحدد أيٌّ من العبارات التالية يعبّر عن الزاويتين المتكاملتين بصورة صحيحة. فلمّا نيجي نشوف الاختيارات اللي عندنا، هنلاحظ إن الاختيار أ: الزاويتان المتكاملتان متساويتان في القياس، والحالة دي ممكن تتحقق في حالة إن الزاويتين المتكاملتين قياس كلٍّ منهما تسعين درجة، فيبقى تسعين زائد تسعين بيساوي مية وتمانين، لكن مش شرط يكونوا متساويين؛ لأن زي الرسمة اللي رسمناها هنا، فالزاويتين دول مش متساويين في القياس، فبالتالي الزاويتين المتكاملتين مش لازم يكونوا متساويتين في القياس. وبالتالي الاختيار أ اختيار خاطئ.

وأمّا الاختيار ب: مجموع الزاويتين المتكاملتين يساوي تسعين درجة، هيبقى برضو اختيار خاطئ؛ لأن الزاويتين اللي مجموعهم يساوي تسعين درجة هو الزاويتين المتتامّتان.

وأما الاختيار د: مجموع الزاويتين المتكاملتين يساوي ميتين وسبعين درجة، طبعًا اختيار خاطئ. ونفس الموضوع الاختيار ﻫ: مجموع الزاويتين المتكاملتين يساوي تلتمية وستين درجة، برضو اختيار خاطئ.

وبالتالي هتبقى إجابة السؤال هي الاختيار ج: مجموع الزاويتين المتكاملتين يساوي مية وتمانين درجة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.