فيديو: استخدام التحويلات لإيجاد التطابق

إذا كانت هناك مجموعة من الدورانات والانعكاسات والانتقالات التي تحوِّل شكلًا ما إلى شكل آخر، فهل سيكون الشكلان متطابقين؟

٠١:٢٠

‏نسخة الفيديو النصية

إذا كانت هناك مجموعة من الدورانات والانعكاسات والانتقالات، التي تحوّل شكلًا ما إلى شكلًا آخر. فهل سيكون الشكلين متطابقين؟

دلوقتي الدوران هو تحويل هندسي، بندوّر فيه الشكل حوالين نقطة معينة. وده معناها إن، زيّ الشكل اللي قدامنا، المثلث ده لو دوّرناه حوالين رأس من رؤوسه، فهيبقى المثلث هو هو. صورته هتنطبق على المثلث الأصلي، بس حصل لها دوران.

أمّا الانعكاس، فهو تحويل هندسي آخر، بيقلب الشكل حوالين مستقيم بنسمّيه محور الانعكاس. فبتظهر الصورة بتاعته كأنها صورة في المرآة. وبالطبع فالصورة بتبقى متطابقة مع الشكل الأصلي.

أمّا الانتقال، اللي أحيانًا بنسميه الإزاحة، هو عبارة عن تحريك الشكل في اتجاه عمودي، أو أفقي، أو قطري. وطبعًا الصورة هتبقى هي هي نفس الشكل، بس مع التحريك في الاتجاهات اللي قلنا عليها. فبالتالي أكيد هتبقى متطابقة مع الشكل الأصلي.

فبالتالي أيّ نوع من أنواع التحويلات الهندسية، سواء كان دورانات أو انعكاسات أو انتقالات، هتحصل على شكلٍ ما؛ كل اللي هيحصل إن الصورة هيبقى اتغيّر مكانها، بس هتفضل طبق الأصل للشكل الأصلي. فبالتالي هيبقى لازم الشكلين متطابقين. يبقى الإجابة هتبقى: نعم.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.