فيديو: تطبيق العمليات الحسابية على النسب المئوية

أكمل: ٥٣٪ + ٤٪ − ١٦٪ = _.

٠١:٢٩

‏نسخة الفيديو النصية

أكمل: تلاتة وخمسين في المية، زائد أربعة في المية، ناقص ستاشر في المية، بيساوي نقط في المية.

معطى عندنا عملية حسابية مكوّنة من أعداد في صورة نسبة مئوية. أول حاجة نفكّر فيها إزَّاي نشيل علامة النسبة المئوية من غير ما نغير أي حاجة في قيمة الأعداد. يعني مثلًا التلاتة وخمسين في المية، هي هي التلاتة والخمسين على مية. زائد الأربعة في المية؛ يعني أربعة على مية. ناقص ستاشر في المية؛ يعني ناقص ستاشر على مية. هنجمع الأول التلاتة وخمسين على مية، زائد الأربعة على مية. وبعدين الناتج اللي هيطلع منهم، هنطرح منه الستاشر على مية.

تلاتة وخمسين على مية زائد أربعة على مية. هنوحد المقامات بينهم؛ يعني هنقسم على مية. والبسط هيكون تلاتة وخمسين زائد أربعة. يعني هيساوي سبعة وخمسين على مية. دلوقتي هنطرح سبعة وخمسين على مية، ناقص ستاشر على مية. بيساوي … هنوحد المقامات، والبسط هيكون موجود فيه سبعة وخمسين ناقص ستاشر. سبعة وخمسين ناقص ستاشر بواحد وأربعين. والمقام هننزّله زي ما هو بمية.

دلوقتي عاوزين نكتب الواحد وأربعين على مية على صورة النسبة المئوية زي ما مطلوب منّنا في السؤال. يعني الواحد وأربعين على مية هتساوي واحد وأربعين في المية. وبكده إجابة السؤال مكان النقط هتكون واحد وأربعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.