فيديو: إيجاد جميع القِيَم المجهولة في مثلث قائم الزاوية

بمعلومية الشكل التالي، أوجد طول ﺃب، بﺟ، وقياس ∠ﺃﺟب بالدرجات لأقرب رقمين عشريين.

٠٢:٣٦

‏نسخة الفيديو النصية

بمعلومية الشكل التالي، أوجد طول أ ب، وَ ب ج، وقياس الزاوية أ ﺟ ب بالدرجات، لأقرب رقمين عشريين.

بالنظر للرسم، هنلاقي إن الزاوية أ هي زاوية قائمة. والزاوية ب مُعطى إن هي بتساوي تلاتة وتلاتين درجة. نعرف الزاوية ب. وهنبصّ لكل ضلع؛ هو بالنسبة للزاوية ب إيه. فمثلًا أ ﺟ بيقابل الزاوية ب، فـ أ ﺟ هيكون المقابل. أمّا أ ب فهو بيجاور الزاوية ب، فهيبقى أ ب هو المجاور. أمّا ب ﺟ فهو الوتر؛ لأنه بيقابل الزاوية أ الزاوية القائمة.

النسب المثلثية التلاتة لـ الزاوية ب؛ جيب الزاوية ب جا ب بيساوي المقابل على الوتر. وظل الزاوية ظا ب بيساوي المقابل على المجاور. وجيب تمام الزاوية جتا ب بيساوي المجاور على الوتر. ولو بصينا لجيب التمام، هنلاقي أن المجاور مجهول، والوتر مجهول. علشان كده هنشتغل بالجيب وبالظل.

جا ب يعني جا تلاتة وتلاتين. جا تلاتة وتلاتين بيساوي المقابل … والمقابل اللي هو ستة. والوتر هو ب ج. وهيبقى ب ﺟ بيساوي ستة على جا تلاتة وتلاتين. ب ﺟ هيساوي تقريبًا حداشر واتنين من مية.

ونيجي للظل؛ ظا ب، ظا تلاتة وتلاتين بيساوي المقابل على المجاور. المقابل هو ستة، والمجاور هو أ ب. وهيبقى أ ب بيساوي ستة على ظا تلاتة وتلاتين. وَ أ ب هتساوي تقريبًا تسعة وأربعة وعشرين من مية.

قياس الزاوية أ ﺟ ب هيساوي مية وتمانين درجة ناقص مجموع الزاويتين الأخرتين. ناقص، تسعين زائد تلاتة وتلاتين. يعني مية وتمانين درجة ناقص مية تلاتة وعشرين درجة. وده بيساوي سبعة وخمسين درجة.

وبكده هتكون الإجابة: طول أ ب لأقرب رقمين عشريين هيساوي تسعة وأربعة وعشرين من مية. وطول ب ﺟ لأقرب رقمين عشريين حداشر واتنين من مية. وقياس الزاوية أ ﺟ ب هيساوي سبعة وخمسين درجة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.