فيديو: تعريف النسبة بين كميتين

أيٌّ ممَّا يلي يُمثِّل التعريف الصحيح للمعدَّل؟ [أ] المعدَّل هو النسبة بين كميتين لهما وحدتان مختلفتان. [ب] المعدل هو النسبة بين كميتين لهما نفس الوحدة.

٠١:٢٥

‏نسخة الفيديو النصية

أي مما يلي يمثّل التعريف الصحيح للمعدل؟ ومُعطى عندنا الاختيارات أ: المعدل هو النسبة بين كميتين لهما وحدتان مختلفتان. ب: المعدل هو النسبة بين كميتين لهما نفس الوحدة.

وخلينا في الأول نفتكر إننا لو عايزين نحسب سرعة جسم ما فبنقدر نعبر عنها بوحدة كيلومتر في الساعة. فمثلًا لو مُعطى عندنا إن سرعة جسم ما عشرة كيلومتر في الساعة، فمعناها إن الجسم ده بيتحرك بمسافة عشرة كيلومتر كل ساعة. وبنفس الطريقة لو عايزين نوجد معدل نبضات القلب لشخص ما، فبنقدر نعبر عنها بكام نبضة في الدقيقة، فمثلًا ممكن نقول إن معدل نبض القلب لشخص ما تمانين نبضة في الدقيقة؛ فده بنسميه معدل نبضات القلب. فبالتالي يبقى عندنا لو بنحسب عدد الكيلومترات لكل ساعة، فده بنقدر نسميه معدل. وبنفس الطريقة لو عايزين نوجد عدد النبضات في الدقيقة الواحدة، فده بنسميه معدل. فبالتالي يبقى المعدل هو النسبة اللي بتقارن بين كميتين، والكميتين دول بيبقى ليهم وحدتين مختلفتين، زي مثلًا كيلومتر وساعة، وهنا نبضة ودقيقة. فبالتالي هيبقى الاختيار الصحيح هو الاختيار أ المعدل هو النسبة بين كميتين لهما وحدتان مختلفتان.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.