فيديو: كتابة نسبة مُعطاة في أبسط صورة

اكتب في أبسط صورة النسبة التالية ١٠/٩ ١ : ٩٫٥.

٠١:٤٩

‏نسخة الفيديو النصية

اكتب في أبسط صورة النسبة التالية: واحد وتسعة على عشرة إلى تسعة وخمسة من عشرة.

عشان نوجد النسبة واحد وتسعة على عشرة إلى تسعة وخمسة من عشرة، في أبسط صورة، هنحوّل العدد اللي في الطرف الأيمن إلى الصورة العشرية. فهنكتب واحد وتسعة على عشرة على صورة عدد زائد كسر، فهيساوي واحد، زائد تسعة على عشرة. وتسعة على عشرة بتساوي تسعة من عشرة، يبقى ده هيساوي واحد زائد تسعة من عشرة، اللي هيساوي واحد وتسعة من عشرة. يبقى النسبة بقت واحد وتسعة من عشرة إلى تسعة وخمسة من عشرة.

فعشان نبسّط، هنقسم تسعة وخمسة على عشرة على واحد وتسعة من عشرة باستخدام القسمة المطوَّلة. وعشان نخلّي المقسوم عليه عدد صحيح، هنضرب المقسوم والمقسوم عليه في عشرة. فالسؤال هيبقى خمسة وتسعين على تسعتاشر. فنقسم الخمسة وتسعين على تسعتاشر، فهيبقى الناتج خمسة. بعدين نضرب خمسة في تسعتاشر، فهيبقى الناتج خمسة وتسعين. بعد كده هنطرح، فهيبقى الناتج هو صفر.

ده معناه إن خمسة وتسعين على تسعتاشر هيساوي خمسة. يعني تسعة وخمسة من عشرة على واحد وتسعة من عشرة هيساوي خمسة.

فلو قسمنا الطرفين على واحد وتسعة من عشرة، هتبقى النسبة بتساوي واحد إلى خمسة. ودي أبسط صورة للنسبة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.