Please verify your account before proceeding.
أوجد الوسيط للأعداد ٢٫٩، ٥٫٤، ٥٫١، ٣٫٧، ٣٫٤، ١٫٩، ٦٫١، ٨٫١، ١٢٫٤، ٢٫٦، ٨٫٨، ٥٫٥.
أوجد الوسيط للأعداد.
وعندنا مجموعة كبيرة من الأعداد، مطلوب مننا نوجد الوسيط ليها. لو عدّينا الأعداد اللي عندنا دول، هنلاقيهم اتناشر عدد. أول خطوة عشان نوجد الوسيط هي إننا نرتّب مجموعة الأعداد اللي عندنا دي، ترتيب تصاعدي أو تنازلي. خلّينا نرتبهم دلوقتي ترتيب تصاعدي بالشكل ده. ونبتدي نحذف عدد من اليمين، وعدد من الشمال. عدد مِ اليمين، وعدد مِ الشمال. وهكذا.
هقف دلوقتي، أنا عايزة أعرف فين القيمة اللي في منتصف كل الأعداد اللي قدامي دي. مش هيبقى عندي في الحالة قيمة واحدة، أنا عندي قيمتين. العددين دول هم اللي في النص. في الحالة دي عشان نوجد الوسيط، هنجمع العددين مع بعض، ونقسم المجموعة على اتنين. هيبقى عندنا عشرة ونص على اتنين، ويصبح الوسيط خمسة وخمسة وعشرين من مية.
كده يبقى استنتجنا الوسيط لمجموعة الأعداد اللي عندنا. ناخد بالنا كويس من الخطوات اللي بنوجد بيها الوسيط لمجموعة من الأعداد. بناخد الأعداد اللي عندنا نرتّبها ترتيب تصاعدي أو تنازلي، ونبتدي نحذف بالتساوي عدد من اليمين، وعدد من اليسار. لو كان الأعداد دي عددهم عدد فردي، فهيبقى الوسيط مباشرةً هو العدد اللي باقي في النص.
أما لو كان الأعداد اللي عندنا عددهم زوجي، زي الحالة اللي عندنا دي، فيبقى هيبقى عندنا الوسيط هو … فيه قيمتين موجودين في النص، عشان نحسب الوسيط، هنجمع القيمتين أو العددين دول، ونقسم المجموع ده على اتنين. وبكده يبقى قدرنا نوجد الوسيط.
تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.
