فيديو: إيجاد قياس زاوية محصورة بين شكلين رباعيين متطابقين

إذا كان ﺱﺹﻙﻡ ≌ ﺃﺏﺟﻡ، فأوجد قياس ∠(ﻙﻡﺟ).

٠٢:٠٩

‏نسخة الفيديو النصية

إذا كان الشكل س ص ك م يطابق الشكل أ ب ﺟ م، فأوجد قياس الزاوية ك م ﺟ.

التطابق يعني أن الزوايا المتناظرة متساوية. وهو مدّيني الزاوية ك م س. أنا عايز أعرف إيه الزاوية اللي بتناظرها في الشكل المقابل. فَـ ك م س هي بترتيب الحروف في الشكل: الحرف التالت والحرف الرابع وبعدين الحرف الأول.

ففي الشكل التاني أروح للحرف التالت والحرف الرابع والحرف الأول. يعني معنى كده إن قياس الزاوية ك م س بتناظرها الناحية التانية وبتساويها قياس الزاوية ﺟ م أ، ومنها هيكون قياس الزاوية ﺟ م أ هيساوي تلاتة وخمسين درجة. النقط عَ الرسم عندي س وَ م وَ أ دول على استقامة واحدة. وقياس الزاوية س م أ هيساوي مية وتمانين درجة. الزاوية س م أ دي هي عبارة عن مجموع تلات زوايا؛ ك م س اللي هي تلاتة وخمسين درجة، وَ ﺟ م أ تلاتة وخمسين درجة إحنا جِبناها، وزاوية كمان اللي هي ﺟ م ك ودي المجهولة ودي المطلوب إن إحنا نجيبها. مجموع التلات زوايا دول بيساوي مية وتمانين درجة؛ لأن قياس الزاوية س م أ بيساوي مية وتمانين درجة.

بالتعويض، قياس الزاوية ك م س تلاتة وخمسين درجة، زائد قياس الزاوية ك م ﺟ اللي أنا ما أعرفهاش، زائد قياس الزاوية ﺟ م أ تلاتة وخمسين. وبالجمع تلاتة وخمسين زائد تلاتة وخمسين بيساوي مية وستة. بإضافة سالب مية وستة لطرفَي المعادلة؛ قياس الزاوية ك م ﺟ هيساوي مية وتمانين درجة ناقص مية وستة درجة، اللي هي بتساوي أربعة وسبعين درجة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.