فيديو: تمثيل أعداد مُكوَّنة من رقمين بدلالة العشرات والآحاد

عدد مكون من عشرات وآحاد. اختر المجموع الصحيح. [أ] ٣ آحاد + ٤ عشرات. [ب] ٣ عشرات + ٤ آحاد. [ج] ٣٠ عشرات + ٤ آحاد. ما هذا العدد؟

٠٢:٢١

‏نسخة الفيديو النصية

عدد مكوّن من عشرات وآحاد. اختر المجموع الصحيح: تلاتة آحاد زائد أربعة عشرات. تلاتة عشرات زائد أربعة آحاد. تلاتين عشرات زائد أربعة آحاد. ما هذا العدد؟

السؤال اللي قدّامنا ده مكوّن من جزئين. هنجاوب عليهم جزء جزء. بيقول لنا إننا عندنا الصورة اللي قدّامنا دي بتمثّل لنا عدد مكوّن من آحاد، وعشرات. الآحاد هي الوحدات أو المكعبات الصغيرة. والعشرات هو العمود اللي فيه عشر مكعبات. فده معناه إن المكعبات الحمرا دي بتمثّل الآحاد، والعمدان الصفرا بتمثّل العشرات. العدد بقى اللي عندنا مكوّن من إيه آحاد وإيه عشرات؟

هنلاحظ إن العدد اللي عندنا مكوّن من واحد، اتنين، تلاتة، أربعة آحاد. ومكوّن من واحد، اتنين، تلاتة عشرات. يبقى لمّا نجمع الأربعة آحاد زائد التلاتة عشرات هيبقى هو ده العدد بتاعنا.

طيّب تعالوا بقى نبصّ على الاختيارات ونختار المجموع الصحيح.

أول اختيار عندنا تلاتة آحاد زائد أربعة عشرات. لأ، العكس. ده إحنا عندنا أربعة آحاد، وتلاتة عشرات. فيبقى الاختيار الأول ده مش صح. نشوف الاختيار اللي بعده.

تلاتة عشرات زائد أربعة آحاد. صح. ونتأكّد من الاختيار اللي بعده كمان.

الاختيار اللي بعده تلاتين عشرات، وأربعة آحاد. إحنا عندنا تلاتين عشرات ولّا تلاتة عشرات؟ تلاتة عشرات. فده معناه إن الاختيار التالت غلط. ويبقى الاختيار الصح هو اللي إحنا قلناه في النُّص؛ تلاتة عشرات وأربعة آحاد. ده بالنسبة لحل أول جزء في السؤال. طيّب تاني جزء: ما هذا العدد؟ العدد بقى اللي إحنا فسّرناه في آحاد وعشرات ده هو إيه؟

مش إحنا عندنا العدد لمّا بنيجي نكتبه بيبقى خانة آحاد وجنبها خانة عشرات؟ طيّب وإحنا عندنا في الآحاد فيه أربعة آحاد، والعشرات فيها تلاتة عشرات. ده معناه إن العدد هو أربعة وتلاتين. وتبقى هي دي إجابة تاني جزء من السؤال: أربعة وتلاتين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.