فيديو: ترتيب أعداد كبيرة مُعطاة ترتيبًا تنازليًّا

رتِّب ٧٧٦‎١٣٩‎٧٠، ٧١٨‎٧٠١‎٥٤٥، ٣٩٢‎٤٣٤‎٤٣٠، ٧٦٢‎٨١٦‎٣٥٣ ترتيبًا تنازليًّا.

٠١:٤٣

‏نسخة الفيديو النصية

رتب … سبعة وسبعين مليون ستمية وتلتاشر ألف وتسعمية وسبعين. والعدد: سبعمية وتمنتاشر مليون وسبعمية وواحد ألف وخمسمية خمسة وأربعين. والعدد: تلتمية اتنين وتسعين مليون وربعمية أربعة وتلاتين ألف وربعمية وتلاتين. والعدد: سبعمية اتنين وستين مليون وتمنمية وستاشر ألف وتلتمية تلاتة وخمسين. ترتيبًا تنازليًّا.

الترتيب التنازلي معناه إننا هنرتّب من الأكبر للأصغر. وعلشان نعرف نقارن الأعداد دي، ونشوف أنهي الأكبر، هنكتب القيم المكانية لأرقام الأعداد. ودلوقتي هنبدأ نكتب أرقام الأعداد تحت بعضها.

هنبصّ لأرقام أكبر خانة عندنا، واللي هي خانة مئات الملايين. هنلاقي فيها سبعة، وتلاتة، وسبعة. ولأن السبعة هي الأكبر من تلاتة، فهنبدأ نقارن العددين اللي فيهم سبعة.

وعلشان نعرف نقارن هنبصّ للخانة اللي بعدها، واللي هي خانة عشرات الملايين. هنلاقي بعد السبعة، عندنا واحد. وفي العدد اللي بعده، عندنا ستة. ولأن الستة هي الأكبر، فهيكون العدد ده هو الأكبر.

بعد كده هيكون العدد ده، هو العدد التاني؛ لأن السبعة أكبر من التلاتة. وآخر عددين، فيه منهم عدد مكوّن من تسع أرقام، وعدد التاني مكوّن من تمن أرقام. فهيكون العدد المكوّن من تسع أرقام، هو ده العدد التالت. والعدد المكوّن من تمن أرقام، هو العدد الأخير والأصغر.

وبالتالي هيكون هو ده ترتيب الأعداد من الأكبر للأصغر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.