فيديو: تلوين أجزاء متساوية من الأشكال لتمثيل الكسر باعتباره جزءًا من الوحدة

هذه المستطيلات مكوّنة من مربعات الوحدة. اختر المستطيل الذي ٣/١ مساحته مظلل. [أ] الشكل أ [ب] الشكل ب [ج] الشكل ﺟ [د] الشكل د

٠٣:٣٦

‏نسخة الفيديو النصية

هذه المستطيلات مكوّنة من مربعات الوحدة. اختر المستطيل الذي تُلت مساحته مظلل.

السؤال بيقول لنا إن الأربع مستطيلات اللي قدامنا دول متقسّمين لمربعات الوحدة. عاوزين نختار المستطيل اللي تُلته مظلل باللون الأخضر. فهنشوف مستطيل مستطيل، ونشوف الجزء المظلل فيه، تُلته ولّا مش تُلته. لو تُلته، يبقى هو الإجابة الصح.

فنبدأ بأول مستطيل، اللي هو ده. إحنا قلنا إن المستطيل متقسّم لمربعات الوحدة. طيب هم كام مربع؟ هنعدّهم. واحد، اتنين، تلاتة، أربعة، خمسة، ستة، سبعة، تمنية، تسعة، عشرة، حداشر، اتناشر، تلتاشر، أربعتاشر، خمستاشر. يبقى عدد الأجزاء كلها خمستاشر جزء.

طيب دلوقتي إحنا هنحاول نكتب الكسر اللي بيمثله الجزء الأخضر. فأول حاجة هنعملها، هنعمل شرطة الكسر. تحت شرطة الكسر بنكتب عدد الأجزاء الكلية. عدد الأجزاء الكلية كام قلناها؟ خمستاشر. طيب وفوق؟ بنكتب عدد الأجزاء اللي لونها أخضر بس. هنبدأ نعدّهم. واحد، اتنين، تلاتة، أربعة، خمسة، ستة، سبعة، تمنية، تسعة. يبقى عدد الأجزاء الملوّنة أو المظلّلة تسعة.

طيب تعالوا بقى نختصر تسعة عَ الخمستاشر. لو قسمنا فوق على التلاتة، يبقى فيها التلاتة. وتحت برضو على التلاتة، هيبقى فيها الخمسة. يبقى بتساوي تلاتة على خمسة، مش تُلت. يبقى الإجابة دي أو الصورة دي مش هي اللي صح.

نشوف اللي بعدها. إحنا قلنا إن عدد الأجزاء الكلية خمستاشر. فبنعمل شرطة الكسر، وبنكتب تحت خمستاشر. طيب وفوق؟ الأجزاء المظلّلة. واحد، اتنين، تلاتة، أربعة، خمسة، ستة. آه، يبقى نكتب فوق ستة. وبرضو تعالوا نقسم على التلاتة. ستة على التلاتة، فيها الاتنين. وخمستاشر على التلاتة، فيها الخمسة. يبقى الاختصار هنا عندنا هو اتنين على خمسة. برضو مش تُلت. يبقى مش هو الإجابة الصح.

نشوف المستطيل اللي بعده. يلّا بنعمل شرطة الكسر. وتحت خمستاشر، عدد الأجزاء كلها. وفوق عدد الأجزاء المظلّلة. واحد، اتنين، تلاتة. فنكتب إيه؟ تلاتة. طيب تعالوا كده نقسم على التلاتة. تلاتة عَ التلاتة، فيها الواحد. خمستاشر عَ التلاتة، فيها الخمسة. يبقى هنا بتساوي خُمس، أو واحد على خمسة، مش تُلت. فبرضو مش هو الإجابة الصح.

نشوف آخر مستطيل. عندنا نعمل شرطة الكسر. نكتب تحت خمستاشر، عدد الأجزاء كلها. وفوق عدد الأجزاء المظلّلة. واحد، اتنين، تلاتة، أربعة، خمسة. آه، فوق هنكتب إيه؟ خمسة. وتعالوا بقى نقسم على الخمسة. خمسة عَ الخمسة، فيها الواحد. خمستاشر عَ الخمسة، فيها التلاتة. فاختصارها هيساوي إيه؟ تُلت. هي دي الصورة، أو المستطيل، اللي تُلت مساحته مظلل. أهو عندنا التُّلت هو اللي مظلل، وجِبناه. يبقى الإجابة الصح هي المستطيل ده. وهو ده اللي إحنا المفروض نختاره.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.