فيديو: استنباط معلومات حول الأنماط التي تتضمن أشكالًا

في النمط الآتي، اكتشف القاعدة وأوجد الأشكال الناقصة.

٠١:٤٤

‏نسخة الفيديو النصية

أكمل النمط الآتي، اكتشف القاعدة وأوجد الأشكال الناقصة.

عندنا نمط أشكال قدامنا أهي عاوزين نكملها، عاوزين نعرف إيه الشكل المفروض يبقى هنا، وإيه الشكل المفروض يبقى هنا، فهنكتشف القاعدة.

عشان نكتشف القاعدة هنقرا النمط من اليمين للشمال ونعرف هو ماشي إزاي، لو بصينا على النمط هنلاقي إن فيه وشوش زعلانة ووشوش فرحانة، فلو خدناه من الأول كده؛ هنلاقي هنا إيه؟ واحد زعلان، هنعمل عليه إكس، كمان واحد زعلان، بعديها واحد فرحان، نعمل عليه صح، بعديها واحد زعلان، كمان واحد زعلان، بعديها واحد فرحان، بعديها واحد زعلان.

تعالوا نبص عليهم تاني كده، لقينا إيه؟ اتنين زعلانين، وبعدهم واحد فرحان، اتنين زعلانين بعدهم واحد فرحان، يبقى اللي بعدهم إيه؟ اتنين زعلانين، لقينا واحد زعلان، يبقى المفروض نحط هنا كمان واحد إيه؟ كمان واحد زعلان، صح؛ يبقى هنا كمان واحد زعلان، تعالوا نقرا كده مرة كمان: اتنين زعلانين، واحد فرحان، اتنين زعلانين، واحد فرحان، اتنين زعلانين، وواحد فرحان؛ يبقى المفروض هنا نحط واحد فرحان، يبقى كده إيه اللي إحنا كملناه؟ هما دول، واحد زعلان وبعده واحد فرحان؛ يبقى دي الإجابة اللي إحنا هنختارها علشان نكمل بيها النمط.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.