تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد محيط مستطيل مكوَّن من مستطيلين متساويين

سوزان فائق

ينعكس المستطيل ﺃﺏﺟد في أد ويتكون مستطيل أكبر بدمج ﺃﺏﺟد مع انعكاسه. إذا كان ﺃﺏ = ٨٤ سم، ﺟﺏ = ٤٧ سم، فأوجد محيط المستطيل الكبير.

٠٢:١٥

‏نسخة الفيديو النصية

ينعكس المستطيل أ ب ج د في أ د، ويتكون مستطيل أكبر بدمج أ ب ج د مع انعكاسه. إذا كان أ ب يساوي أربعة وتمانين سنتيمتر، وَ ج ب يساوي سبعة وأربعين سنتيمتر؛ فاوجد محيط المستطيل الكبير.

المستطيل أ ب ج د في الرسم اللي قدامنا ده فيه أ ب بأربعة وتمانين سنتيمتر، وَ ج ب بسبعة وأربعين سنتيمتر، عايزين نعمل له انعكاس في أ د. يبقى لما هنعمل له انعكاس في أ د هتفضل النقط أ وَ د زي ما هي في نفس مكانها، لكن النقطة ب هتنتقل إلى أسفل بنفس المسافة ما بينها وما بين أ، وتبقى مكوِّنة ب شرطة بنفس المسافة، والـ ج هتبقى تنتقل بنفس المسافة إلى أسفل بالنسبة للـ د بنفس المسافة. هيبقى بالشكل ده مستطيل زيه بالظبط بنفس الأطوال منعكس في أ د. فيبقى بما إن الانعكاس بيحافظ على أطوال القطعة المستقيمة وقياسات الزوايا، يبقى بكده أ ب هتساوي أ ب شرطة تساوي أربعة وتمانين سنتيمتر، والمسافة ما بين ب وَ ج هيتحافظ عليها وهتفضل نفس القيمة، يعني ب شرطة وَ ج شرطة هيبقى بينهم نفس المسافة اللي هي سبعة وأربعين سنتيمتر، يبقى معنى كده المستطيل الكبير هيبقى طوله ب ب شرطة اللي هو أربعة وتمانين زائد أربعة وتمانين هيساوي مية تمنية وستين سنتيمتر، وعرضه هيبقى سبعة وأربعين سنتيمتر.

ومحيط المستطيل بيساوي الطول زائد العرض في اتنين، هنعوّض بالطول والعرض، يبقى هيساوي مية تمنية وستين زائد سبعة وأربعين، ده لما هنجمعهم على بعض هنضربهم في اتنين. يبقى محيط المستطيل هيساوي ربعمية وتلاتين سنتيمتر؛ وهي دي قيمة محيط المستطيل المطلوبة.