فيديو: تحديد الزوايا المتبادلة خارجيًّا

‏نسخة الفيديو النصية

أي من أزواج الزوايا التالية متبادلتان خارجيتان؛ الزاوية ﻫ والزاوية ك، ولّا الزاوية ﺟ والزاوية ح، ولّا الزاوية د والزاوية ﻫ، ولّا الزاوية و والزاوية ى، ولّا الزاوية ﺟ والزاوية ى؟

الزوايا المتبادلة خارجية، اللي هي بتبقى من ناحيتين مختلفتين من القاطع اللي بيقطع الخطين اللي بيكوّنوا الزوايا، وخارجيتان يعني يبقوا لبرّه كده زي الزاوية و دي والزاوية ى.

هندرس الزوايا اللي في الاختيارات. الزاوية ﻫ والزاوية ك: دي الزاوية ﻫ، ودي الزاوية ك، دول في ناحيتين مختلفتين من القاطع ده؛ لكن واحدة خارجية، والتانية داخلية؛ يبقى الاختيار ده مش صحيح. الزاوية ﺟ والزاوية ح: دي الزاوية ﺟ، ودي الزاوية ح، الاتنين دول في نفس الجهة من القاطع اللي بيقطع الخطين اللي بيكوّنوا الزوايا دي، والاتنين خارجيتان؛ يبقى معنى كده إن الزوايا دي مش متبادلة لأنها في نفس الجهة من القاطع، يبقى كمان دول خطأ.

الزاوية د والزاوية ﻫ: دي الزاوية د، ودي الزاوية ﻫ، الاتنين زوايتان داخليتان ومن جهة واحدة من القاطع؛ يبقى كمان الاختيار ده خطأ. الزاوية و والزاوية ى: دي الزاوية و، ودي الزاوية ى، الاتنين في جهة واحدة من القاطع، والاتنين خارجيتان، لكن يبقى دول مش متبادلتان؛ يبقى الإجابة دي كمان خطأ.

الاختيار الأخير الزاوية ﺟ والزاوية ى: دي الزاوية ﺟ، ودي الزاوية ى، الاتنين في جهتين مختلفتين من القاطع، والاتنين زوايا خارجية؛ يبقى فعلًا هي دي الإجابة الصحيحة.