نسخة الفيديو النصية
قُم بصياغة المعادلة التربيعية التي جَذراها سالب تلاتة وسالب تمنية.
المعادلة دي معادلة تربيعية لها جَذرين، يعني الجذرين معناهم إن الـ س بتساوي سالب تلاتة، أو الـ س تساوي سالب تمنية، بتكون المعادلة بتساوي صفر. الـ س تساوي سالب تلاتة؛ يبقى معنى كده إن يا إما الـ س زائد تلاتة بتساوي صفر، أو الـ س زائد تمنية بتساوي صفر. هنضرب المعاملين دول في بعض، اللي هو س زائد تلاتة في س زائد تمنية، ودول اللي هيكوّنوا المعادلة التربيعية.
هنضرب الأول في الأول يبقى س في س بـ س تربيع، الأول في التاني يبقى زائد تمنية س، التاني في الأول يبقى زائد تلاتة س، وبعدين التاني في التاني يبقى زائد أربعة وعشرين، بيساوي صفر. هنبسّطها، يبقى س تربيع زائد حداشر س زائد أربعة وعشرين بيساوي صفر؛ وهي دي المعادلة التربيعية اللي جَذراها هما سالب تلاتة وسالب تمنية.
