فيديو: حساب مساحة شكل بِعَدِّ مربعات الوحدة

ما أفضل تقدير لمساحة الشكل؟ [أ] ٢٧٫٥ [ب] ٣٨٫٥ [ج] ٢٣٫٥ [د] ٥٠ [ﻫ] ٣٠٫٥

٠١:٥٧

‏نسخة الفيديو النصية

ما أفضل تقدير لمساحة الشكل؟ أ: سبعة وعشرين وخمسة من عشرة. ب: تمنية وتلاتين وخمسة من عشرة. ج: تلاتة وعشرين وخمسة من عشرة. د: خمسين. ﻫ: تلاتين وخمسة من عشرة.

دلوقتي إحنا عايزين نحاول نجيب مساحة تقريبية أو تقديرية للشكل اللي قدامنا، وده بيبقى عن طريق عدّ المربعات اللي نقدر نغطي بيها سطح الشكل ده، طب لو بصينا هنلاحظ إن الشكل ده فيه منحنيات كتير ومش دايمًا بنستخدم مربع كامل لتغطية جزء من أجزاؤه، هنحسب المربعات الكاملة الأول، وكل جزء متّاخد من مربع على سبيل التقدير هنعتبره نُص مربع، ونجمّع كل المربعات ونشوف عددها، وده اللي هيمثّل مساحة الشكل المطلوب.

هنبدأ نعدّ المربعات الكاملة الأول اللي استخدمناها في تغطية سطح الشكل، هنلاقي إن إحنا احتجنا نستخدم سبعة وعشرين مربع كامل.

دلوقتي هنبتدي نعدّ الأجزاء من المربعات، اللي على سبيل التقدير هنعتبر كل جزء منها عبارة عن نصف مربع، نبتدي نعدّهم كأنصاف مربعات؛ يبقى كده: نص، اتنين، تلاتة، أربعة، خمسة، ستة، سبعة، تمنية، تسعة، عشرة، حداشر، اتناشر، تلتاشر، أربعتاشر، خمستاشر، ستاشر، سبعتاشر، تمنتاشر، تسعتاشر، عشرين، واحد وعشرين، اتنين وعشرين، تلاتة وعشرين؛ يبقى هنضيف عَ السبعة وعشرين مربع كامل تلاتة وعشرين من أنصاف المربعات، يبقى ده هيبقى بيساوي سبعة وعشرين زائد، التلاتة وعشرين نص دول يكافئوا حداشر ونص مربع؛ هيبقى مجموعهم هيبقى تمنية وتلاتين ونص، ويبقى هو ده التقدير لمساحة الشكل اللي عندنا تمنية وتلاتين ونص وحدة مربعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.