فيديو: تحديد هل المعادلة البسيطة أو المتباينة البسيطة صواب أم خطأ

هل المعادلة: ٤٥ ÷ د = ٩ صواب أم خطأ، علمًا بأن د = ٦؟

٠٢:٠٨

‏نسخة الفيديو النصية

هل المعادلة خمسة وأربعون على د تساوي تسعة صواب أم خطأ، علمًا بأن د تساوي ستة؟

عشان نعرف إذا كانت المعادلة خمسة وأربعين على د بتساوي تسعة صواب أو خطأ، هنعوّض فيها عن قيمة د بإنها بتساوي ستة؛ يبقى المعادلة هي خمسة وأربعين على د بتساوي تسعة، فلمّا هنعوّض عن د بستة، المعادلة هتبقى خمسة وأربعين على ستة بتساوي تسعة.

بعد كده نوجد قيمة الطرف الأيمن، فإذا قيمة الطرف الأيمن بتساوي الطرف الأيسر اللي هو تسعة؛ ففي الحالة دي المعادلة هتكون صحيحة. أما إذا كانت لا تساويها ففي الحالة دي المعادلة هتبقى خطأ، فباستخدام القسمة المطوَّلة نحسب خمسة وأربعين على ستة، أول حاجة نقسم أول رقم من اليسار من المقسوم على المقسوم عليه، بس هنلاحظ إن أربعة أصغر من ستة؛ فهيبقى الناتج هو صفر، بعدين نضرب صفر في المقسوم عليه اللي هو ستة، فصفر في ستة هيساوي صفر، بعد كده نطرح أربعة ناقص صفر هيساوي أربعة، بعدين ننزّل الخمسة ونقسم خمسة وأربعين على ستة؛ فهيبقى أقرب ناتج ليها هو سبعة، بعدين نضرب سبعة في ستة هيساوي اتنين وأربعين، بعدين نطرح؛ فخمسة وأربعين ناقص اتنين وأربعين هيساوي تلاتة، وبما إن تلاتة أصغر من ستة؛ فهنضيف علامة عشرية على يمين الخمسة ونضيف جنبها صفر، وده مش هيغير من القيمة، ونضيف علامة عشرية في الناتج ونكمل حل بنفس الطريقة، فنقسم تلاتين على ستة هيساوي خمسة، بعدين نضرب خمسة في ستة هيساوي تلاتين، بعدين نطرح؛ فتلاتين ناقص تلاتين هيساوي صفر.

يبقى خمسة وأربعين على ستة هيساوي سبعة وخمسة من عشرة، وسبعة وخمسة من عشرة لا تساوي التسعة؛ وبالتالي فالمعادلة خطأ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.