فيديو: امتحان الفزياء للعام السابق • ٢٠١٨/٢٠١٧ • السؤال العاشر أ

امتحان الفزياء للعام السابق • ٢٠١٨/٢٠١٧ • السؤال العاشر أ

٠١:٢٠

‏نسخة الفيديو النصية

اذكر نص قانون كيرشوف الثاني؛ قانون حفظ الطاقة الكهربية في الدائرة.

فلو فيه دايرة كهربية عايزين نعرف القيم المجهولة اللي فيها. الأول بنفترض اتجاهات التيارات المجهولة. وبنستخدم قانون كيرشوف الثاني. واللي الصيغة الرياضية بتاعته بتقول إن في أي مسار مغلق، مجموع القوى الدافعة الكهربية اللي في البطاريات بتساوي مجموع فروق الجهد اللي موجودة على المقاومات.

فمثلًا في الدايرة لو أخدنا المسار المغلق اللي موجود على اليمين. هنلاقي عند البطارية اتجاه المسار في اتجاه زيادة فرق الجهد. فعلشان كده بنحط قيمة القوة الدافعة الكهربية للبطارية بالموجب. أما الطرف اليمين من قانون كيرشوف، فبيهتم بالمقاومات. فمثلًا المسار عند المقاومة 𝑅 اتنين في نفس اتجاه التيار اللي ماشي فيها. أما اتجاه التيار اللي ماشي في المقاومة 𝑅 تلاتة، فهو عكس اتجاه المسار. وبالتالي لما بنحُطّ قيمة فرق الجهد اللي على 𝑅 تلاتة، بنحط إشارتها بالسالب. فكده إحنا عرفنا الصيغة الرياضية لقانون كيرشوف وإزاي بنطبقها على أي دايرة كهربية. ونص القانون ممكن نجيبه من العلاقة الرياضية، إن المجموع الجبري للقوى الدافعة الكهربية في دائرة مغلقة، بيساوي المجموع الجبري لفروق الجهد في الدائرة.

وبكده نبقى عرفنا نص قانون كيرشوف الثاني، والصيغة الرياضية ليه، وإزاي نطبقها في أي دايرة كهربية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.