فيديو: إيجاد معادلة الخط المستقيم العمودى على خط مستقيم أخر

الخط المستقيم ﻝ له معادلة ﺹ = ٣ﺱ − ٢. أوجد معادلة الخط المستقيم العمودي على ﻝ الذي يمر عبر النقطة (٤، ٤).

٠٢:٢٨

‏نسخة الفيديو النصية

الخطّ المستقيم ل له معادلة: ص تساوي تلاتة س ناقص اتنين. أوجد معادلة الخطّ المستقيم العمودي على ل، الذي يمرّ بالنقطة أربعة وأربعة.

الخط المستقيم المُعطى معادلته على صورة معادلة معلومية الميل، والجزء المقطوع من محور الصادات؛ يعني السالب اتنين ده الجزء المقطوع من محور الصادات، والتلاتة هو ده ميل الخط المستقيم ده، واللي هنسمّيه م واحد، الخط المستقيم اللي عمودي عليه يبقى الميل بتاعه هو م اتنين.

بما إن المستقيمين متعامدين على بعض، يبقى معنى كده إن م اتنين لازم تساوي سالب واحد على م واحد. وبما إن م واحد قيمتها تلاتة، يبقى معنى كده إن الميل، اللي هو م اتنين، هيساوي سالب واحد على تلاتة، وكمان بيمُرّ بالنقطة أربعة وأربعة.

الصورة العامّة لمعادلة خطّ مستقيم بمعلومية نقطة وميله هي: ص ناقص ص واحد، على س ناقص س واحد، يساوي الميل؛ حيث الـ س واحد والـ ص واحد هي النقطة اللي بيمُرّ بها الخط المستقيم، والميل اللي هو الـ م.

معطى هنا الميل، اللي هو م اتنين، بيساوي سالب تُلت، والـ ص واحد هي قيمتها أربعة، والـ س واحد قيمتها أربعة؛ يبقى ص ناقص أربعة، على س ناقص أربعة، هيساوي سالب تُلت.

بالضرب في الـ س ناقص أربعة، يبقى ص ناقص أربعة هتساوي سالب تُلت في، س ناقص أربعة. السالب تُلت هنضربها في الـ س وفي السالب أربعة، يبقى سالب تُلت س … ناقص أربعة في سالب تُلت، يعني زائد أربعة على تلاتة.

هنجمع أربعة على طرفَي المعادلة؛ علشان نخلّي الـ ص لوحدها في طرف، يبقى الـ ص هتساوي سالب تُلت س، زائد أربعة على تلاتة، زائد أربعة، هيساوي سالب تُلت س زائد، ستاشر على تلاتة.

يبقى المعادلة هي: ص تساوي سالب تُلت س زائد ستاشر على تلاتة، واللي بتمثّل معادلة الخطّ المستقيم العمودي على ل.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.