فيديو: مقارنة عددين كبيرين

هل ٢٤٠٨٦٩٠٦< أم = أم >٤١١١٧٧٨٤؟

٠١:٠٥

‏نسخة الفيديو النصية

هل أربعة وعشرين مليون ستة وتمانين ألف تسعمية وستة، أقل من أم يساوي أم أكبر من، واحد وأربعين مليون مية وسبعتاشر ألف سبعمية أربعة وتمانين؟

هنستعين بجدول القيم المكانية في المقارنة اللي عندنا. ونبتدي نكتب العددين بحيث إن كل رقم من الأرقام اللي بيتكوّن منها كل من العددين يتحط في الخانة المكانية الصحيحة، بالشكل ده. ولمّا بنيجي نقارن أي عددين بنبتدي المقارنة من الخانة المكانية الأكبر، اللي هي عندنا في الحالة دي خانة عشرات الملايين.

هنلاحظ إن في الخانة دي، العدد الأول بيحتوي على الرقم اتنين. أما العدد التاني فبيحتوي على الرقم أربعة. ده معناه إن العدد التاني هو اللي أكبر. يبقى نقدر نقول إن أربعة وعشرين مليون ستة وتمانين ألف تسعمية وستة، أقل من واحد وأربعين مليون مية وسبعتاشر ألف سبعمية أربعة وتمانين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.