فيديو: تحديد إذا ما كانت الإجابة في مسألة كلامية عددًا زوجيًّا أو فرديًّا

هل عدد النجوم زوجي أم فردي؟

٠١:٣٧

‏نسخة الفيديو النصية

هل عدد النجوم زوجي أم فردي؟

عندنا مجموعة من النجوم، وعاوزين نعرف النجوم دي عددها زوجي ولا عددها فردي؟ لو خدنا النجوم دي وحاولنا نقسّمها لأزواج. أزواج يعني كل نجمتين مع بعض. ولقينا في الآخر ما فيش أي نجمة باقية لوحدها؛ يبقى دي مجموعة نجوم عددها زوجي. ولكن لو جينا خدنا النجوم دي وقسّمناها لمجموعة أزواج، ولقينا في الآخر إن فيه نجمة وحيدة مش عارفين نحطها في مجموعة، أو مش عارفين نلاقي لها زوج؛ ده معناه إن هي عددها فردي. فدلوقتي هنشوف النجوم اللي عندنا عددهم زوجي ولا فردي.

هنبدأ نقسّمهم. هناخد أول نجمتين دول مع بعض، يبقى ده كده أول زوج. وده تاني زوج. وده تالت زوج. وده رابع زوج. خامس زوج. سادس زوج. لاحظنا إننا قسّمنا هنا مجموعة النجوم اللي عندنا لأزواج، وكل زوج مكوّن من نجمتين. وما اتبقاش عندنا أي نجوم لوحدها مش عارفين نحطها في زوج. يبقى ده معناه إن عدد النجوم اللي عندنا زوجي؛ لأن ما فيش أي نجوم فردية بقيت بره. يبقى الإجابة الصحيحة هي زوجي.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.