فيديو: مقارنة الكسور ذات البسط الذي يساوي واحدًا

أيهما أكبر: ٨/١ أم ٧/١؟

٠١:١٧

‏نسخة الفيديو النصية

أيهما أكبر: واحد على تمنية، أم واحد على سبعة؟

عشان نقدر نقارن الكسرين ببعض، لازم يبقى لهم نفس المقام؛ يعني نشوف المقام المشترك اللي نقدر نوحد بيه المقامات بين كسرين، وبالتالي نقدر نقارن البسط بتاع الكسر الأول، والبسط بتاع الكسر التاني، ونقدر نشوف أي الكسرين أكبر.

خلينا نوحد المقامات على ناتج حاصل ضرب المقامين، اللي هو حاصل ضرب سبعة في تمنية. ده معناها إن الكسر الأول تم ضرب المقام بتاعه في سبعة، وبالتالي البسط كمان لازم نضربه في سبعة. أما الكسر التاني فهيصبح مقامه حاصل ضرب سبعة في تمنية، وبالتالي البسط بتاعه هو كمان لازم نضربه في تمنية. وكده هيصبح الكسرين بعد إعادة كتابتهم بمقام مشترك جديد سبعة على ستة وخمسين، والكسر الآخر تمنية على ستة وخمسين.

بعد ما أصبح للاتنين نفس المقام، فدلوقتي هنقارن بسط الكسر الأول ببسط الكسر التاني. هنلاحظ إن بسط الكسر التاني اللي هو تمنية أكبر من بسط الأول اللي هو سبعة؛ وبالتالي هيبقى الكسر التاني أكبر من الكسر الأول؛ يعني لو رجّعناهم لشكلهم الأول، هيبقى كده قدرنا نستنتج إن واحد على سبعة أكبر من واحد على تمنية. وتبقى الإجابة المطلوبة إن الكسر الأكبر هو واحد على سبعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.