فيديو: العجلة خلال التصادم

اصطدمت شاحنة بسيارة. وخلال الاصطدام، كانت القوة الكلية على كل مركبة تساوي القوة التي بذلتها المركبة الأخرى. كتلة السيارة ‎6.00 × 10^2kg. وكتلة الشاحنة ‎2.630 × 10^3kg. مقدار عجلة الشاحنة 8.63m/s^2. أوجد مقدار عجلة السيارة.

٠٢:٠٨

‏نسخة الفيديو النصية

اصطدمت شاحنة بسيارة. وخلال الاصطدام، كانت القوة الكلية على كل مركبة تساوي القوة التي بذلتها المركبة الأخرى. كتلة السيارة ستة في عشرة أُس اتنين كيلوجرام. وكتلة الشاحنة اتنين وستمية وتلاتين من الألف في عشرة أُس تلاتة كيلوجرام. مقدار عجلة الشاحنة تمنية وتلاتة وستين من المية متر على الثانية تربيع. أوجد مقدار عجلة السيارة.

ففيه شاحنة اصطدمت بسيارة. وكانت القوة اللي بتأثّر بيها السيارة على الشاحنة، بتساوي القوة اللي بتأثّر بيها الشاحنة على السيارة. وكتلة السيارة ستة في عشرة أُس اتنين كيلوجرام. وكتلة الشاحنة اتنين وستمية وتلاتين من الألف في عشرة أُس تلاتة كيلوجرام. وعجلة الشاحنة تمنية وتلاتة وستين من المية متر على الثانية تربيع. والمطلوب منّنا إن إحنا نعرف العجلة اللي بتتحرك بيها السيارة أثناء الاصطدام ده.

فإحنا معطى عندنا إن القوة اللي بتأثّر على الشاحنة بتساوي القوة اللي بتأثّر على السيارة. وطبقًا لقانون نيوتن التاني، فمجموع القوى المؤثرة على جسم بتساوي كتلة الجسم في العجلة اللي بيتحرك بيها. فلو طبّقنا قانون نيوتن التاني على القوة المؤثرة على الشاحنة، هنلاقي إن القوة المؤثرة على الشاحنة بتساوي كتلة الشاحنة في عجلة الشاحنة. أمّا القوة المؤثرة على السيارة، فهي بتساوي كتلة السيارة في عجلة السيارة.

وبما إن القوتين دول بيساووا بعض، فنقدر نقول إن كتلة الشاحنة في عجلة الشاحنة، بتساوي كتلة السيارة في عجلة السيارة. وعلشان نجيب عجلة السيارة، هنقسم طرفين المعادلة على كتلة السيارة. وده هيدّينا إن العجلة اللي بتتحرك بيها السيارة، بتساوي كتلة الشاحنة في عجلة الشاحنة، مقسومين على كتلة السيارة. ولمّا نعوّض بالقيم، هنلاقي إن عجلة السيارة بتساوي كتلة الشاحنة، اللي معطاة عندنا باتنين وتلاتة وستين من المية في عشرة أُس تلاتة كيلوجرام. مضروبة في عجلة الشاحنة، اللي بتساوي تمنية وتلاتة وستين من المية متر على الثانية تربيع. مقسومين على كتلة السيارة، اللي هي ستة في عشرة أُس اتنين كيلوجرام.

نقدر نختصر الكيلوجرام مع الكيلوجرام. ونطلّع إن العجلة اللي كانت بتتحرك بيها السيارة، بتساوي سبعة وتلاتين وتمنية من العشرة متر على الثانية تربيع. وبكده نبقى طلّعنا العجلة اللي بتتحرك بيها السيارة، عن طريق استخدام قانون نيوتن التاني.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.