فيديو: حساب مساحة شكل مركب يتضمن شبه منحرف ومستطيلًا

يوضح الشكل التالي متوازي أضلاع داخل مستطيل. أوجد المساحة التي لا تدخل ضمن مساحة متوازي الأضلاع داخل المستطيل.

٠٣:٥٠

‏نسخة الفيديو النصية

يوضح الشكل التالي متوازي أضلاع داخل مستطيل. أوجد المساحة التي لا تدخل ضمن مساحة متوازي الأضلاع داخل المستطيل.

المساحة التي لا تدخل ضمن مساحة متوازي الأضلاع داخل المستطيل، هي المساحة غير الملونة. فهنحسبها بإننا هنطرح مساحة متوازي الأضلاع من مساحة المستطيل الكامل. فأول حاجة هنحسب مساحة المستطيل.

مساحة المستطيل بتساوي الطول في العرض. فده هيساوي … الطول اللي هيساوي تلاتين زائد اتنين وأربعين. يبقى تلاتين زائد اتنين وأربعين. في … العرض اللي بيساوي تمنية وعشرين. فأول حاجة هنجمع اللي داخل الأقواس. فتلاتين زائد اتنين وأربعين هيساوي اتنين وسبعين. بعدين نضرب اتنين وسبعين في تمنية وعشرين.

اتنين وسبعين في تمنية وعشرين هيساوي … أول حاجة نضرب تمنية في اتنين هيساوي ستاشر. فنكتب ستة في الناتج، ونضيف واحد فوق القيمة المكانية اللي بعد كده. بعدين نضرب تمنية في سبعة هيساوي ستة وخمسين. ونضيف ليها واحد هيساوي سبعة وخمسين. زائد … نكرّر نفس العملية مع الاتنين. وبما إن القيمة المكانية ليها هي العشرات، يبقى هنضيف صفر قبل ما نضرب. بعدين نضرب بنفس الطريقة.

اتنين في اتنين هيساوي أربعة. واتنين في سبعة هيساوي أربعتاشر. بعدين نجمع ستة زائد صفر هيساوي ستة. سبعة زائد أربعة هيساوي حداشر. فنكتب واحد في الناتج، ونضيف واحد فوق القيمة المكانية اللي بعد كده. واحد زائد خمسة زائد أربعة هيساوي عشرة. فنكتب صفر في الناتج، ونضيف واحد فوق القيمة المكانية اللي بعد كده. واحد زائد واحد هيساوي اتنين. تبقى مساحة المستطيل بتساوي ألفين وستاشر سنتيمتر مربع.

بعد كده نحسب مساحة متوازي الأضلاع. مساحة متوازي الأضلاع بتساوي طول القاعدة في الارتفاع المناظر لها. فده هيساوي في الشكل طول القاعدة اللي هو اتنين وأربعين سنتيمتر، في الارتفاع المناظر لها اللي هو تمنية وعشرين سنتيمتر. بعدين نضرب اتنين وأربعين في تمنية وعشرين. فده هيساوي … أول حاجة نضرب تمنية في اتنين هيساوي ستاشر. فنكتب ستة في الناتج، ونضيف واحد فوق القيمة المكانية اللي بعد كده. بعدين نضرب تمنية في أربعة هيساوي اتنين وتلاتين. ونضيف ليها واحد هيساوي تلاتة وتلاتين.

بعد كده نكرر نفس العملية مع الاتنين. وبما إن القيمة المكانية ليها هي العشرة، يبقى هنضيف صفر في الناتج، بعد كده نضرب بشكل طبيعي. اتنين في اتنين هيساوي أربعة. بعد كده نضرب اتنين في أربعة هيساوي تمنية. بعد كده نجمع ستة زائد صفر هيساوي ستة. تلاتة زائد أربعة هيساوي سبعة. تلاتة زائد تمنية هيساوي حداشر. تبقى مساحة متوازي الأضلاع بتساوي ألف ومية وستة وسبعين سنتيمتر مربع.

بعد كده نحسب المساحة التي لا تدخل ضمن مساحة متوازي الأضلاع داخل المستطيل. فدي هتساوي مساحة المستطيل اللي هي ألفين وستاشر، ناقص مساحة متوازي الأضلاع اللي هي ألف ومية وستة وسبعين. وبإجراء عملية الطرح، ده هيساوي تمنمية وأربعين سنتيمتر مربع.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.