نسخة الفيديو النصية
أوجد قياس الزاوية أ ب ﺟ. ومعطى عندنا في الشكل المثلث أ ب ﺟ. والمطلوب إننا نوجد قياس الزاوية أ ب ﺟ، اللي هي الزاوية دي.
فمن الشكل، هنلاحظ إن الضلعين دول متطابقين. وبما إنهم متطابقين، فبالتالي هيبقى المثلث أ ب ﺟ مثلث متساوي الساقين. وخلينا نفتكر إن في أيّ مثلث متساوي الساقين، بتكون الزوايا المقابلة للأضلاع المتطابقة، متساوية في القياس.
فبالتالي هيبقى قياس الزاوية أ ب ﺟ، اللي هي الزاوية دي؛ بيساوي بيساوي قياس الزاوية ب أ ﺟ، اللي هي الزاوية دي. ومعطى عندنا في الشكل إن قياس الزاوية ب أ ﺟ تمنية وخمسين درجة. وبالتالي هيبقى قياس الزاوية أ ب ﺟ بيساوي تمنية وخمسين درجة. وتبقي هي دي إجابة السؤال.
