فيديو: معرَّفة المعين من الأشكال الموضحة

أيٌّ من الأشكال التالية معينات؟ [أ] الشكلان (٣)، (٤). [ب] الشكلان (١)، (٢). [ج] الشكل (٢) فقط . [د] الشكلان (٢)، (٣). [ﻫ] الأشكال (١)، (٢)، (٣).

٠٢:٠٠

‏نسخة الفيديو النصية

أيٌّ من الأشكال التالية معينات؟ الشكلان تلاتة وأربعة. الشكلان واحد واتنين. الشكل اتنين فقط. الشكلان اتنين وتلاتة. الأشكال واحد واتنين وتلاتة.

قدامنا في السؤال فيه أربع أشكال. عاوزين نعرف إيه الأشكال اللي فيها عبارة عن معينات. عاوزين نعرف في الأول إيه هي خواص المعيّن.

المعيّن شكل رباعي؛ يعني له أربع أضلاع. أضلاعه الأربعة دول متساويين في الطول. ودلوقتي هندوّر على الشكل اللي له أربع أضلاع، والأربع أضلاع دول متساوية في الطول. فلو جينا نبص على أول شكل هنلاقيه فعلًا مكوّن من أربع أضلاع. بس فيه الضلع ده بيساوي الضلع ده، والضلعين التانيين دول بيساووا بعض. لكن الأربع أضلاع ما بيساووش بعض. فده معناه إن الشكل ده ما ينفعش نقول عليه معيّن. لازم الأربع أضلاع يكونوا قدّ بعض.

طب نبص على الشكل التاني. شكل فعلًا رباعي، مكوّن من أربع أضلاع. والأربع أضلاع كلهم فعلًا بيساووا بعض. يبقى الشكل ده نقول عليه معيّن.

نييجى للشكل رقم تلاتة. الشكل رقم تلاتة برضو مكوّن من أربع أضلاع. والأربع أضلاع كلهم بيساووا بعض. يبقى برضو ينفع نقول عليه معيّن.

طب نييجى للشكل رقم أربعة. هنلاقيه مكوّن من خمس أضلاع مش من أربع أضلاع. فده معناه إن الشكل الرابع ده مش معيّن.

يبقى من هنا إحنا عرفنا إيه هي الأشكال اللي نقدر نقول عليها معيّنات. الشكل اتنين، والشكل تلاتة. ولو جينا نبص في الاختيارات، هنلاقي الاختيار د هو الاختيار الصحيح. الشكلان اتنين وتلاتة. هي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.