فيديو: تحديد المثلثات القائمة الزاوية المتساوية الساقين

أيٌّ مما يلي يعبِّر عن الشكل الآتي؟ [أ] مثلث مختلف الأضلاع حاد الزاوية [ب] مثلث متساوي الساقين حاد الزاوية [ج] مثلث متساوي الساقين قائم الزاوية [د] مثلث متساوي الساقين منفرج الزاوية [ﻫ] مثلث مختلف الأضلاع قائم زاوية.

٠٢:٤٩

‏نسخة الفيديو النصية

أي مما يلي يعبر عن الشكل الآتي؟ أ: مثلث مختلف الأضلاع حاد الزاوية، ب: مثلث متساوي الساقين حاد الزاوية، ج: مثلث متساوي الساقين قائم الزاوية، د: مثلث متساوي الساقين منفرج الزاوية، ﻫ: مثلث مختلف الأضلاع قائم زاوية.

الشكل ده هو شكل مغلق له تلات أضلاع مستقيمة، فيبقى ده مثلث، كده عندنا مضلع له تلات أضلاع، والعلامتين اللي هنا وهنا معناهم إن الضلعين دول ليهم نفس الطول، والمثلث اللي بيكون فيه ضلعين متساويين بنسمّيه مثلث متساوي الساقين، وخلينا نفتكر إن المثلث مختلف الأضلاع هو اللي جميع أضلاعه أطوالها مختلفة، يبقى أي اختيار فيه مثلث مختلف الأضلاع مش هيبقى بيوصف الشكل اللي عندنا هنا، وده هيخلي عندنا تلات اختيارات: يا إما الشكل هيبقى مثلث متساوي الساقين حاد الزاوية، أو مثلث متساوي الساقين قائم الزاوية، أو مثلث متساوي الساقين منفرج الزاوية، وخلينا نفتكر إن زاويتين القاعدة في المثلث المتساوي الساقين بيكونوا متساويين في القياس، يعني الزاويتين اللي هنا دول متساويتان في القياس، ودول الزاويتين اللي الضلعين اللي ليهم نفس الطول بيتقابلوا عندهم، وإحنا عارفين إن الزاوية الحادة بيكون قياسها بين صفر وتسعين درجة، والزاوية المنفرجة قياسها بين تسعين ومية وتمانين درجة، والزاوية القايمة هي اللي قياسها تسعين درجة، وخلينا نفتكر إن مجموع قياسات الزوايا الداخلية في المثلث بيساوي مية وتمانين درجة، ده معناه إن الزاوية دي والزاوية دي لازم هيبقوا زوايا حادة، يعني لازم هيبقى قياس الزاوية الواحدة أقل من تسعين درجة، فلو القياس بيساوي تسعين درجة أو أكتر هيبقى عندنا زوايا مجموعهم أكبر من مية وتمانين درجة في المثلث اللي عندنا، وده مش هينفع يبقى لو إحنا بنتكلم عن زاوية حادة أو قائمة أو منفرجة، يبقى إحنا أكيد مش بنتكلم عن الزاويتين دول في المثلث المتساوي الساقين، فإحنا أكيد بنتكلم على الزاوية التالتة دي، فهيكون السؤال هل هي حادة ولا قائمة ولا منفرجة؟ والرمز ده معناه إنها تسعين درجة يعني هتبقى زاوية قائمة، وده معناه إن الشكل اللي عندنا مثلث متساوي الساقين قائم الزاوية، يعني الإجابة بتاعتنا هتبقى ج: مثلث متساوي الساقين قائم الزاوية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.